Louka 10:34 - O Debleskro Drom 2021 (Sinte)

³⁴ Job djas pash leste, tchoras djet un mool kote, kai job dino un tchinlo was, un pandas laintikre kotja trujel. Palle hadas les lo ap peskro grai, un anas les an i kertchima, un dikas, kai well les sopaske un chapaske.

O Debleskro Lab 2024 (Sinte-Manouche)

³⁴ Yob djas pash leste, čoras djet oun mool kote, kay yob dino oun činlo vas, oun pandas layntikre kotya trouyel. Palle hadas les lo ap peskro gray, oun anas les an i kerčima, oun dikas, kay vell les sopaske oun rhapaske.

Louka 10:34 ပူးပေါင်းရင်းမြစ်များ

1. Mose 42:27

Ap koi platsa, kai jon i rati atchan, kras jek lendar peskro gono pre, te dell lo leskri burika te chal. Un job dikas, kai kol lowe an leskro gono hi.

Debleskri gili 147:3

Kolen, kai lengro dji phagedo hi, krell lo pale sasto, un kolenge, kai dukedo hi, tchiwell lo i pandepen pre.

2. Mose 4:24

Un har his o Mose ap o drom, djas lo an i kheer, kote atchas lo pral i rat. Ap jek kopo was o baro Dewel ap leste, un kamas les te marell.

Markus 14:8

Koja kras, hoi nai kras li, un makas man kanna dren ko diweske, kai wau paskedo.

Louka 10:33

Palle djas i mursh, kai was dran o them Samaria ap ko drom, kai ko mursh tchiddo hi. Un har dikas lo les, djas kowa leske phares an o dji.

Louka 10:35

O wawar diwes taissarlake das lo dui rupene beme o rajeste an koi kertchima, un penas: De les chapen un pipen! Te hi kol lowe gar doha leske, dau tute budeder, te wau pale.”

Louka 2:7

Un lat was i tchawo. Un joi tchiwas pherne trul leste, un tchiwas les kote dren, kai o chapen i viechenge dren tchiddo wella. An i kertchima his lenge kek tchiben.

Remarja 12:20

Krenn kowa jaake har an o Debleskro lab tchinlo hi: Te bokell kowa, kai kras tchilatchepen ap tute, palle de les te chal! Te hi les trush, de les te pijell! Tu te kreh kowa jaake, palle ladjell lo pes tutar.

1. Tessalonikarja 5:15

Ma awenn tchilatcho ap kolende, kai tchilatcho ap tumende wan! Mukenn gar tele, te wenn latches ap hakeneste mashkral tumende, ninna ap i tsele wawar menshende!