Louka 10:19 - O Debleskro Drom 2021 (Sinte)

¹⁹ Shunenn: Me dom tumen i soor pral o bengeskri tseli soor. Tumer stakrenna ap i sapa un ap i skorpione. Un kek nai dukrell tumen.

O Debleskro Lab 2024 (Sinte-Manouche)

¹⁹ Shounenn: Me dom t'men i zoor pral o bengeskri tseli zoor. T'mer stakrenna ap i sapa oun ap i skorpione. Oun kek nay doukrell t'men.

Louka 10:19 ပူးပေါင်းရင်းမြစ်များ

2. Familjakro liil 10:11

Un kanna, te tchiwas miro dad i pharo djipen ap tumende, me krau tumaro djipen gomme phareder! Miro dad das tumen i tchupnijah. Me dau tumen i tchupnijah, hoi saster pre hi.’”

Debleskri gili 91:13

I lewe un i sapa nai dukrenn tut gar. Tu stakreh len lauter khetne.

Jesaja 11:8

Un i tikno tchawo khelell pes kote, kai i tchilatcho sap khere hi, un taprell peskro wasteha tel o bar, kai ko sap hi. Un o sap dandrell les gar.

Ezekiel 2:6

Un tu mensho, tu daress gar lendar, witar gar lengre labendar, hoi jon rakrenna. Tu djiweh mank lende har mank skorpione. Jon hi har subjengre burra trul tute. Ma muk len tuke daar te krell! Ma traash kolestar, hoi kolla rakrenna, kai mukenn pen tchi te penell!

Markus 16:18

Jon te lenn sapa an pengre wasta, un te pijenn le i pipen, kai nai merenn le, palle wenn le gar nasselo. Ap i nasslende tchiwenn le i wasta pre. Un kolla wenn sasto.”

Louka 11:12

Witar gar dell kek dad peskro tchawes i skorpiono, te mangas job lestar i jaro.

Bičepangre 28:5

O Paulo witsras ko sap an i jag, un leske djas tchi.

Remarja 16:20

O Dewel, kai dell tumen peskri bacht an o dji, krell o bengeskri soor paash. Un ko tsiro well sik. O latchepen maro rajestar, o Jesus Kristestar, djal tumentsa!

Debleskro tsiro 11:5

Un te kamell jek te dukrell lo len, palle djal i jag dran lengro mui win, un chatchrell les pre. Jaake merenn lauter kolla, kai kamenn len tchilatchepen te krell.