Louka 10:14 - O Debleskro Drom 2021 (Sinte)

¹⁴ Ap ko diwes, kai rakrell o Dewel o tchatchepen pral i menshende win, djal kol menshenge an i forja Tirus un Sidon feteder har tumenge kate.

O Debleskro Lab 2024 (Sinte-Manouche)

¹⁴ Ap ko dives, kay rakrell o Devel o čačepen pral i menshende vin, djal kol menshenge an i forya Tirus oun Sidon feteder har t'menge kate.

Louka 10:14 ပူးပေါင်းရင်းမြစ်များ

Joel 3:4

Glan te well o diwes o baro Deblestar, ko baro diwes, hoi daar un traash anell, well o kham kalo, un o tchon lolo har rat.

Amos 1:9

O baro Dewel penell: I menshe dran o foro Tirus kran pale te pale djungelo koowa. Jon dan i tsele pandlen an i wasta kolendar dran o them Edom, un bistran, kai hi i pandle lengre phrala, un kai phrala hunte rikrenn khetne. Doleske lenn le pengri phagi un khaitenn man gar.

Amos 3:2

Mank i tsele natsjone ap kai phub han tumer kokres kolla, kolen mange win rodom, un ap lende jak dom. Doleske hi tumari doosh jaake baro, un me hunte dap tumen i phagi.

Mateo 10:15

Tchatchepah, me penau tumenge: Ap ko diwes, kai o Dewel o tchatchepen pral i tsele menshende ap i phub wi-rakrella, lenna kol menshe, kai lan tumen gar pre, i bareder phagi har kolla, kai djiwan an i forja Sodom un Gomorra.

Mateo 11:21

Un job penas: Bibachtelo wenna tumer menshe an o foro Korazin! Bibachtelo wenna tumer menshe an o foro Betsaida! Te krals jek an i forja Tirus un Sidon sawo baro koowa an o Debleskri soor, har me pash tumende krom, riwans i menshe kote i gono trul pende, un tchiwans jagakri tchik ap pengre shere, te sikrenn le, kai lengro tchilatchepen khaitell len. Un jon mukans pengro tchilatcho drom, un djans ap o Debleskro drom.

Johanni 3:19

O Debleskri bari momeli was ap kai phub. Un kol menshe, kai krenn o tchilatchepen, kaman o tamlepen budeder har koi momeli. Doleske hi i phagi pral lende wi-rakedo.

Remarja 2:1

Tu mensho, kai dikeh ap kolende un peneh, har baro hi lengri doosh, tu nai peneh gar tutar: “Man hi kek doosh ap mande.” Ko tchilatchepen, hoi tu ap o wawareste dikeh, hi ninna ap tute. Tu te sikreh ap o wawareskri doosh, rakreh tu o tchatchepen pral tute win.

Remarja 2:27

Un jaake well kowa, kai kek biboldo hi, i tchatchepaskro rai pral tumende, i biboldende. Job kras, hoi o Dewel kamella, un tumer kran gar, hoi o Dewel kamella, ninna te hi tumen kol tsele tchinle laba, hoi penenn, har te djiwenn, un han tchinlo ap tumaro mass.