Louka 1:78 - O Debleskro Drom 2021 (Sinte)

⁷⁸ Maro Debles hi i baro dji menge. Leskro kamlepen well pash mende. Kowa hi har o kham, hoi djal pre ap o bolepen,

O Debleskro Lab 2024 (Sinte-Manouche)

⁷⁸ Maro Debles hi i baro dji menge. Leskro kamlepen vell pash mende. Kova hi har o kham, hoy djal pre ap o bolepen,

Louka 1:78 ပူးပေါင်းရင်းမြစ်များ

Debleskri gili 25:6

Miro baro Dewel, ma biste tiro kamlepen un tiro latchepen, hoi hako tsiro ap tire menshende sikral.

Jesaja 11:1

Jaake har well i tikno newo kasht dran i tele dino ruk, un i newo tikno ruk mank leskre draba win, jaake well i newo baro rai dran o Davideskro kheer.

Jesaja 42:16

Mire menshen, kai hi har korele, sikrau i drom, kolestar jon tchi djinenn. Un anau len ap dromma, kolendar jon tchi shunan. Jon djiwenn har an kali rat, un me lau o tamlepen glan lende krik. Un kol barra, hoi ap lengro drom tchiddo hi, lau krik. Kawa krau lenge, un mukau len gar.

Jesaja 63:15

Dik dran o bolepen tele, un dik tele dran tiro railo kheer! Kai hi tiro kamlepen, hoi menge chatchell? Kai hi tiri soor? Hi tut buder kek dji un kek latchepen menge?

Jesaja 63:7

Me kamau te rakrap pral o Debleskro latchepen, ko baro koowa, hoi o baro Dewel halauter menge kras, un ko tselo latcho koowa, hoi mukas lo ap o kheer Israel te well. Les hi lenge i baro dji un hi lenge jaake latches.

Zakarie 3:8

Shun kanna, Jeshua, tu baro rashai: Tu un tire phrala, kai glan tute beshdo hi, tumer han i sikepen, hoi o baro Dewel kamell te krell an o tsiro, hoi wella: Me bitchrau miro budepaskres, kai kharell ‘newo ruk’.

Zakarie 6:12

Un pen leske: Kowa penell o baro Dewel, ko rai pral o bolepen un i phub: Ko mursh, kai well kharedo ‘newo ruk’, well baro ap peskri platsa. Un job krell o baro Debleske i newo kheer.

4. Mose 24:17

Me dikau jekes. Kowa hi kanna gar koi. Dural dikau les. Dran o Jakob well jek, kai djal pre har i bolepaskri momeli. Dran o Israel well i baro rai, un dell i Moabarja khetne. Un kol murshenge, kai wenna pal o Set, dell lo ap o shero.

Johanni 3:16

O Dewel kamas i menshen jaake bud, te das lo lenge peskro jek tchawes. Les his kek wawar. Hakeno, koon patsell ap leste, djal gar nashedo. Job lell ko djipen, hoi gar pre-herella.

Efesarja 5:14

Un kowa, hoi diklo wella, atchell gar an o tamlepen. Doleske giwah mer an i gili: “Tu, kai soweh, ste pre! Ste i mulendar pre! Un o Kristo well tuke har i momeli.”

Filiparja 1:8

O Dewel djinella: Miro dji hi pash tumende. O Jesus Kristo das man i baro kamlepen tumenge.

Filiparja 2:1

Me djinau, tumer rakrenn i menshenge o Jesuseskre laba an o dji. Tumare laba wenna dran o kamlepen, un krenn lengre djia soreles. O Debleskro Ducho rikrell tumen khetne, un tumen hi i baro dji i wawarenge.

Kolossarja 3:12

Tumer han kanna o Debleskre menshe, kolen job peske win rodas. Job kamell tumen o djijestar. Doleske hunte well tumen i baro dji o wawareske, te well hakeno latcho ap o wawareste, te krell pes kek bareder har o wawar, te rakrell hakeno latches o wawareha, te dell kek o wawares sik pre,

2. Petro 1:19

Doleske djinah mer tchatchepah, kai kowa tchatcho hi, hoi o Debleskre rakepangre penan. Tumer krenna mishto, te denn garda koi pre. Ko lab hi har i momeli, hoi chatchella an i rat, bis te well o diwes. Palle djal i raili momeli an tumare djia pre.

1. Johanni 3:17

Te hi jek brawelo, un dikell, kai peskro phrales gar doha djipaske hi, un job dell les tchi, jaake nai atchell gar o Debleskro kamlepen an leste.

Debleskro tsiro 22:16

Me, o Jesus, bitchrom miro bolepaskres pash tumende, te penell lo kau koowa i patslenge. Me hom o Davideskro tchawo. Me hom koi raili bolepaskri momeli, hoi djal pre taissarlake ap o bolepen.”