Louka 1:73 - O Debleskro Drom 2021 (Sinte)

⁷³ Glan maro dadeste, o Abrahameste, das job pes sowel,

O Debleskro Lab 2024 (Sinte-Manouche)

⁷³ Glan maro dadeste, o Abrahameste, das yob pes sovel,

Louka 1:73 ပူးပေါင်းရင်းမြစ်များ

1. Mose 24:7

O baro Dewel, o Dewel pral o bolepen, anas man win dran miro dadeskro kheer un miro dadeskro them, un rakras mantsa. Un das pes sowel, te dell lo mire tchawen kau them, kai kanna hom. Kowa bitchrell peskro bolepaskres glan tute, te less miro tchaweske i romjat mire menshendar.

1. Mose 26:3

Atch i tsiro an kau them. Me hom pash tute, te tchiwap miri soor un miri bacht ap tute. Kalla tsele themma dau me tut un tire tchawen, kai pal tute wenna. Me rikrau miro lab, hoi dom tiro dadeste Abraham, un kai dom miro wast koi pre.

Debleskri gili 105:9

Kowa hi ko lab, hoi das lo o Abrahameste, koi sowel, hoi das lo o Isaakeste,

Jeremia 11:5

Palle rikrap nai koi sowel dren, hoi dom len, un dap len ko them, kai thud un gwin nashenna, jaake har kowa kai diwes hi. Me penom: Awa, baro Dewel, jaake hi kowa.

Louka 1:74

te lell lo men dran i tchilatche wasta win, te budrah nai leske, un trashah buder gar,

5. Mose 7:12

Te shunenn tumer leskro tchatchepen, un rikrenn tumen ap leskre laba, un djiwenn pal lende, palle rikrell tumaro baro Dewel, hoi lo tumare phurentsa win kras, un peskro wast pre das, un well tumenge latches.

5. Mose 7:8

Dran peskro kamlepen tumenge rodas o baro Dewel tumen win, te rikrell lo peskri sowel dren, hoi job tumare phurende das. Doleske anas lo tumen peskro sorelo wasteha win dran o them, kai pandlo hans, dran o wast o Faraestar, ko rajestar pral Egiptia.

Hebrearja 6:13

Te dell i mensho peskro lab, dell lo peskro dadeskro wast koi pre. Leskro dad hi bareder har job. Jaake sikrell lo o wawares, te krell lo tchatchepah kowa, hoi job penas. Un ko wawar patsell les. Har das o Dewel o Abrahameste peskro lab, das lo peskro wast koi pre. His kek, kai his bareder har o Dewel. Un o Dewel penas: Tchatchepah, bud bacht mukau pral tute te well, un tutar wenna bud bud tchawe. Un o Abraham patsas o Debles, un witsras gar peskro patsepen ap i rig. Un jaake las lo kowa, hoi o Dewel leske penas.