Louka 1:68 - O Debleskro Drom 2021 (Sinte)

⁶⁸ “Sharas o baro Debles! Job hi o Israeleskro Dewel! Job was pash mende, un las men dran mari bibacht win.

O Debleskro Lab 2024 (Sinte-Manouche)

⁶⁸ “Sharas o baro Debles! Yob hi o Israeleskro Devel! Yob vas pash mende, oun las men dran mari bibarht vin.

Louka 1:68 ပူးပေါင်းရင်းမြစ်များ

1. Mose 14:20

Un sharedo well o Dewel pral halauter, kai das kolen an tire wasta, kai tuha kuran pen.” Un o Abram das les o deshto kotar halauterestar, hoi job pale anas.

1. Mose 24:27

un penas: “Sharedo well o baro Dewel, o Dewel miro rajestar Abraham. Job rikras peskro latchepen un tchatchepen gar pale miro rajestar. O baro Dewel anas man ap o drom pash o kheer miro rajeskre menshendar.”

1. Mose 9:26

Palle penas job: “Me sharau o baro Debles, ko Debles kones o Sem an-mangella. Un o Kanaan well peskro phraleskro budepaskro!

1. Rajengro liil 1:48

Ninna penas lo: ‘Sharenn o baro Debles, kai o Israeleskro Dewel hi! Kau diwes tchiwas lo jekes mire tchawendar ap miro rajeskri beshepaskri, un mukas man kowa gomme te dikell!’”

1. Rajengro liil 8:15

Un job penas: “Sharedo well o baro Dewel, ko Dewel pral o Israel. Job mukas tchatches te well, hoi lo miro dadeske, o Davideske, penas, har penas lo:

1. Familjakro liil 29:10

un sharas o baro Debles glan i tsele menshende, un penas: Baro Dewel, tu Dewel maro dadestar Israel, mer sharah tut kanna un hako tsiro.

1. Familjakro liil 29:20

Un o David penas ap i tsele menshende, kai kote khetne his: “Sharenn tumaro baro Debles!” Koi sharan i tsele menshe o baro Debles, ko Debles lengre phurendar. Un jon djan ap pengre tchanga glan o baro Debleste un glan o baro rajeste,

Debleskri gili 106:48

Sharedo well o baro Dewel, kai o Israeleskro Dewel hi, kanna un hako tsireske! Mu penenn i tsele menshen: “Amen! Sharedo well o baro Dewel!”

Debleskri gili 111:9

O baro Dewel las peskre menshen win dran i tchilatche wasta, un kras lentsa win, te wenn le leskre menshe hako tsiro. Job kokres hi lengro Dewel. Baro hi lo!

Debleskri gili 130:8

Awa, job lell o kheer Israel win dran leskri tseli doosh.

Debleskri gili 41:13

Me shunau ap tute miro tselo djijeha. Doleske rikreh tu miro djipen, un mukeh man te djiwell pash tute hako tsiro.

2. Mose 4:31

Un jon patsan len. Un har shunan i Israelitarja, te dikas o baro Dewel lengro pharo djipen, un kamell lenge latchepen te krell, koi witsran pen le ap i phub, un mangan o Debles an.

Louka 1:71

te lell men o Dewel dran i wasta kolendar win, kai kamenn men te marell, awa, te lell lo men dran i wasta kolendar win, kai men gar kamenna.

Louka 19:44

Un jon marenn tumare menshen, un denn tumare tchawen an ko foro mulo. Mo Dewel kamas tumen peskro latchepen te sikrell. Un tumer kaman gar te krenn tumaro dji leske pre. Doleske atchell kek bar ap ko wawar an kau foro.”

Louka 2:38

Ap ko tsiro har i Maria un o Josef pengro tchaweha an o Debleskro baro kheer his, was li ninna kote pash lende. Un joi sharas o Debles o tselo djijeha pral ko tchaweste, un rakras kolestar ap lauterende, kai dikan ap ko tsiro, kai lell o Dewel i menshen an o foro Jerusalem dran o tchilatchepen win.

Louka 24:21

Mer patsam, kai o Dewel bitchras les, te lell job i Israeleskre menshen dran i Remarjengre wasta win. Kowa djas lauter glan triin diwessa.

Louka 7:16

Koi was i traash pral lauterende. Un jon sharan o Debles un penan: “I baro Debleskro rakepaskro hi mashkral mende. O Dewel was pash peskre menshende.”

Efesarja 1:3

Sharas maro Debles! Job hi o Dewel un o dad maro rajestar, o Jesus Kristestar, un das peskro tselo bolepaskro brawlepen mende, kai ham patslo ap o Jesus Kristeste.

Efesarja 1:7

Har o Jesus Kristo ap o trushel meras, un peskro rat menge ratas, las lo mari doosh un phagi mendar. Jaake baro his leskro latchepen ap mende!

Hebrearja 9:12

Har o Jesus an o Debleskro kheer an o bolepen djas, anas lo gar i bakrengro rat peha, witar gar i grumjengro rat. Na-a. Peskro rat anas lo glan o Debleste. Kowa kras lo jek kopo un gar bud kope. Un jaake las lo mari doosh hako tsireske mendar.

1. Petro 1:3

Mer sharah o Debles, ko dades maro rajestar, o Jesus Kristestar. O Dewel kamas men jaake bud, te was job maro dad un das men o newo djipen. Un an mare djia djinah soreles, jaake har job o Jesus Kristes i mulendar djido kras,

1. Samuel 25:32

Un o David penas ap i Abigajil: “Sharedo well o baro Dewel, o Dewel pral o Israel, kowa kai tut kau diwes pash mande bitchras!