Louka 1:51 - O Debleskro Drom 2021 (Sinte)

⁵¹ Un job hadas peskri soreli mussi, un tradas kolen krik, kai kran pen kokres bares.

O Debleskro Lab 2024 (Sinte-Manouche)

⁵¹ Oun yob hadas peskri zoreli moussi, oun tradas kolen krik, kay kran pen kokres bares.

Louka 1:51 ပူးပေါင်းရင်းမြစ်များ

1. Mose 11:8

O baro Dewel kras jaake, te atchan le koi buder gar khetne un hunte djan dran jek them an i wawar pral i tseli phub. Un jon mukan tele, te krenn le ko foro.

1. Mose 6:5

O baro Dewel dikas, kai o menshengro tchilatchepen baro hi ap i phub. Halauter, hoi len an lengre djia hi, his tchilatcho o tselo diwes.

1. Mose 8:21

Un o baro Dewel sungas ko latcho sungepen un penas ap peste: “Me dau man sowel, te anau buder gar hawi bari bibacht pral i phub doleske, hoi i menshe krenna. Djinau, o mensheskro dji hi tchilatcho fun tiknes pre. Me kamau buder gar o tselo djipen ap i phub te marell, jaake har krom.

Debleskri gili 118:15

Shun koi gili, hoi giwenn o Debleskre menshe bachteles an pengre khera: “O baro Dewel hi o sorleder. Job hi o sorleder an o kurepen.

Debleskri gili 33:10

O baro Dewel mukell kowa gar te well, hoi kol menshe an i wawar themma kamenn te krell. Lenge tchiwell lo barra an o drom.

Debleskri gili 52:9

“Dikenn ko murshes! Kowa tchiwas gar peskro patsepen ap o Debleste. Na-a! Job patsas ap peskro baro brawlepen, un leskro tchilatchepen kras les sorelo.”

Debleskri gili 63:5

Me parkrau man pash tute jaake rah har me djiwau. Un me hadau mire wasta pre, te mangap tut an.

Debleskri gili 89:10

Tu hal o rai pral o baro diwjo pani. Job te hadell pes, kreh tu, te djal lo tele.

Debleskri gili 89:13

Ko them, kai o kham gar tardo hi, tu kral les. Ninna ko them, kai o kham pral tardo hi, tu kral les. Koi berga Tabor un i berga Hermon sharenn tut i bachtjatar.

Debleskri gili 98:1

I gili Giwenn o baro Debleske i newi gili! Job kras baro koowa. Peskro wasteha un Debleskri sorjah was lo o sorleder pral o tchilatchepen.

2. Mose 18:11

Kanna haiwom, te hi o baro Dewel bareder har hako wawar dewel. Job las i Israelitarja win dran o wast i Egiptarendar, kai kran pen bares pral lende.”

Jesaja 40:10

Dikenn, o baro Dewel, maro rai, well bari sorjah. Un job hi o rai pral halauter. Kolen, kai job win las dran o pandepen, hi pash leste. Awa, kolen, kai job peske ginas, djan leske glan win.

Jesaja 51:9

Baro Dewel, ste pre, ste pre! Sike tiri soor! Ste pre har an kol phure tsirja, har mare phurenge ap i rig wal. Hals gar tu kowa, kai o baro panjeskro sap, i Rahab, an kotja das?

Jesaja 52:10

Glan i jaka i menshendar an i tsele themma sikrell o baro Dewel peskri soor, kolah job peskre menshen win lell dran o pandepen. Ap i tseli phub dikenn le, har maro Dewel peskre menshen khere anell.

Jesaja 63:12

Kai hi kowa, kai peskri bari sorjah ap o Moseskri tchatchi rig was? – Kowa, kai kras, te djal ko pani glan lende ap dui rigja, un peske jaake i baro lab kras, hoi an kek tsiro bistedo well.

Jeremia 49:15

O baro Dewel penell ap o them Edom: Tu djiweh pral an i berge mank i bare barra. Kal berge hi tire. Un i wawar menshe darenn tutar. Doleske phurdal tu tut pre, un penal tuke: Me hom o bareder. Kanna shun, tiro dji chochras tut. Ninna te kreh tiro kheer jaake dur pral ap i berga har i adlari, witsrau me tut kotar tele. Me krau tut tikno mank i natsjone. Un i menshe an wawar themma dikenn tele ap tute. Kowa penell o baro Dewel.

Remarja 1:21

Ninna te djinan le o Deblestar, sharan le les gar, un parkran pen gar pash leste. Na-a, jon djan pal kowa, hoi an lengro shero hi un tchi moldo hi. Un lengre djia haiwan buder gar, hoi mishto hi.

2. Korintarja 10:5

Te penenn jon, te dals kek Dewel, sikrah mer, kai lengre pre-phurde laba gar tchatcho hi. Halauter, hoi lenge an o shero trujel djal un hadell pes pral o Jesus Kristeste pre, dah mer paash.

5. Mose 4:34

Kek wawar dewel djas un las peske menshen win dran i wawar them, har job kras, har las lo tumen win dran o them Egiptia. Job sikras peskri bari soor un kras sau koowa, hoi kek wawar nai krell, un anas bud bibacht ap i Egiptarjen. Job kuras pes tumenge. Peskro sorelo wasteha un peskri pre-hadedi mussjah las lo tumen win, un kras i Egiptarenge bari daar. Kowa lauter dikan tumer.

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.

Debleskro tsiro 18:8

Doleske well i tseli bari bibacht ap jek kopo pral ko foro: merepen, ropen, un bok. Un i jag chatchrella ko foro pre. Sorelo hi o Dewel, maro rai, kai rakrell pral i menshen an o foro o tchatchepen win, un dell len i tchatchi phagi.