Louka 1:49 - O Debleskro Drom 2021 (Sinte)

⁴⁹ Baro koowa kras job ap mande. Les hi i tseli soor, un leskro lab hi bareder har hako wawar lab.

O Debleskro Lab 2024 (Sinte-Manouche)

⁴⁹ Baro koova kras yob ap mande. Les hi i tseli zoor, oun leskro lab hi bareder har hako vavar lab.

Louka 1:49 ပူးပေါင်းရင်းမြစ်များ

1. Mose 17:1

O Abram his 99 (enja-deesh-te-enja) bersh phuro. Koi mukas pes o baro Dewel glan leste te dikell, un penas ap leste: “Me hom o sorelo Dewel. Dja ap miro drom, te hatsap kek tchilatchepen ap tute!

Debleskri gili 111:9

O baro Dewel las peskre menshen win dran i tchilatche wasta, un kras lentsa win, te wenn le leskre menshe hako tsiro. Job kokres hi lengro Dewel. Baro hi lo!

Debleskri gili 24:8

Koon hi kau baro rai, kones o tselo railepen hi? Kowa hi o baro Dewel, ko sorelo kurepaskro, awa, o baro Dewel hi sorelo an o kurepen.

Debleskri gili 99:3

Mu hadenn le lauter tiro baro un railo lab! Tu kokres hal o tchatcho Dewel.

Debleskri gili 99:9

Hadenn maro baro Debles! Mangenn les an ap leskri berga, kai job djiwella. Maro baro Dewel kokres hi o tchatcho Dewel.

2. Mose 15:11

Kek hi jaake har tu, o baro Dewel. Kek hi jaake har tu mank lauterende, kai kharenn pen Dewel! Tu hal o tchatcho Dewel, un kek wawar hi jaake sorelo har tu! Tu kral dareno koowa, hoi kek wawar nai krella.

Jesaja 1:24

Doleske penell o baro Dewel, ko rai pral o bolepen un i phub, kai hi o Israeleskro sorelo Dewel: Dikenn tumen glan! Me dau tumen pale, hoi ap mande kran, tumen, kai kamenn man gar. Miri bari choli well pral tumende, kai krenn lauter wawartchandes, har me kamau.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Jesaja 6:3

Un jek das ap o wawareste gole un penas: Latcho - un tchatcho - har kek wawar - hi o baro Dewel, ko rai pral o bolepen un i phub. I tseli phub hi pherdo leskro railepen!

Jesaja 63:1

Koon hi kowa, kai well dran o them Edom dran o foro Bozra, rido an lole koola? Koon hi kowa, kai hi jaake railes rido, un kai nashell railes an peskri bari soor. Kowa hom me, o baro Dewel, kai rakrell an o tchatchepen: Man hi i soor, te lap tumen dran o merepen win.

Jeremia 10:6

Baro Dewel, kek hi har tu hal! Tu hal baro un sorelo! Un tiri bari soor dikan i menshe.

Jeremia 20:11

O baro Dewel hi pash mande un dell ap mande garda har i sorelo mursh. Doleske perenn kolla, kai man palla lenn un hunte tserdenn pen pale. Kowa, hoi len glan hi, nai krenn jon gar. Un wawar san pral lende. Hako tsiro hi kowa lenge i ladj un well lenge gar bistedo.

Markus 5:13

Un job mukas len an lende dren te djal. Koi wan kol benga dran o mursheste win, un djan an kol balende. Un kol tsele bale wan diwjo un nashan i berga tele, un stan an o baro pani, un tassan. Kolla his nai dui serja bale.

Louka 1:48

Me hom gar moldo, te dikas o Dewel jaake latches ap mande. Un kanna sharenn man i tsele menshe. Un lengre tchawe penenna mandar, kai o Dewel man bachteles kras.

Louka 1:50

Job kras peskro dji pre kol phurenge un kolengre tchawenge, lauterenge, kai shunenn ap leste, un darenn lestar.

Efesarja 3:20

Un job nai krell budeder, har mer lestar mangah, un budeder, hoi mer haiwah. Jaake bari hi leskri soor, hoi an mende kowa lauter krella. Mer lauter, kai patsah ap o Jesus Kristeste, sharas maro Debles kanna un hako tsiro. Amen.

Debleskro tsiro 15:4

Tutar darella hakeno, tiro labestar penenn le: Har baro un shukar hi lo! Maro rai, o baro Dewel hal tu. Kek wawar hi jaake har tu. I raja wenna dran hake themma; glan tute witsrenn le pen tele, te sharenn le tut. Lauter dikan, har pal o tchatchepen tu djal, har tu i menshende lengri phagi dal.

Debleskro tsiro 4:8

Un hakenes lendar his shob tchirklengre mussja. Kolla his dren un win pherde jaka. Un jon giwenn o tselo diwes un i tseli rat: Latcho - un tchatcho - har kek wawar - hi o Dewel, ko rai pral halauter. Hako tsiro djiwell lo, kanna, un an ko tsiro, hoi his, un hoi wella.

1. Samuel 2:2

Kek hi jaake baro un tchatcho har o baro Dewel. Dell kek wawar Dewel har job. Ap kekeste nai rikrah men har ap maro Debleste.