Louka 1:17 - O Debleskro Drom 2021 (Sinte)

¹⁷ Un job hi pherdo Debleskri soor jaake har o Elija, un job krell i drom pre o Debleske. Un job krella, te lenn i dada pale i dji pengre tchawenge. Un kolla, kai shunan gar ap o Debleste, kolen anell job pale ap o tchatcho drom. Un jaake krell lo, te hi i menshen djia, kai pre hi lengro Debleske.”

O Debleskro Lab 2024 (Sinte-Manouche)

¹⁷ Oun yob hi pherdo Debleskri zoor yaake har o Eliya, oun yob krell i drom pre o Debleske. Oun yob krella, te lenn i dada pale i dji pengre čavenge. Oun kolla, kay shounan gar ap o Debleste, kolen anell yob pale ap o čačo drom. Oun yaake krell lo, te hi i menshen djia, kay pre hi lengro Debleske.”

Louka 1:17 ပူးပေါင်းရင်းမြစ်များ

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

1. Rajengro liil 18:18

Job penas: “Gar me anom o Israel an i bibacht dren. Kowa hal tu un tiro dadeskro kheer. Tumer mukan i laba o baro Deblestar un nashan ko debleske palla, kai kharella Baal.

1. Rajengro liil 21:20

Kote penas o Ahab ap o Elija: “Hatsal man pale, tu, kai kameh mange tchilatchepen?” Kote penas lo: “Awa, me hatsom tut! Tu bikral tut, te kress kowa, hoi glan i jaka o baro Deblestar tchilatcho hi.

2. Rajengro liil 1:16

un penas ap leste: “Kowa penas o baro Dewel: Tu bitchral bitchepangren pash o Baal-Sebub, ko dewel an Ekron, te putchess lestar i lab, har te wals kek Dewel an Israel, kai nai putcheh i lab. Doleske weh tu gar buder tiro tchiben tele, kai tu pre tchiddo hal. Tchatchepah tu mereh.”

1. Familjakro liil 29:18

Baro Dewel, tu Dewel mare phurendar, o Abrahamestar, o Isaakestar un o Jakobestar, kre, kai tire menshengre djia hako tsiro tuke pre hi, un jon pen ap tute rikrenn!

2. Familjakro liil 29:36

O Hiskija un i tsele Israelitarja his bachtelo pral kowa, kai mukas o baro Dewel peskre menshen kawa lauter te krell. Kek patsas, kai kowa jaake sik wella.

Debleskri gili 10:17

Kowa, hoi i tchorwele tutar mangenna, shuneh tu, mo baro Dewel. Tu kreh lengro dji sorelo, un tiro kand hi lenge pre.

Debleskri gili 111:10

Koon djiwell o baro Debleha, kowa lell goswepen. Gosewo hi hakeno, kai ap o baro Debleskre laba shunella. Te sharas les hako tsiro!

Debleskri gili 78:8

jaake te wenn le gar har pengre phure, kai o Debleskro dromestar tele peran, un kaman gar te shunell. Kolengre djia his gar sorelo, un jon his gar pengro tselo djijeha pash o Debleste.

Jesaja 29:24

Un kolla, hoi tchi haiwan, haiwenn palle, hoi mishto un gar mishto hi. Un kolla, kai mukenn pen tchi te penell, lenn kowa an, hoi lenge siklo well.

Amos 4:12

Doleske, tumer menshe an Israel, krau tumentsa pale jaake har krom! Djinenn, me wau tumaro tchatchepaskro rai, kai dell tumen tumari phagi.

Mateo 11:14

Patsenn mange, o Johanni hi o Elija, kolestar penlo was, te well lo.

Mateo 3:3

O Johanni hi ko mursh, kolestar o Debleskro rakepaskro, o Jesaja, penas: Kote hi jek, kai an o mulo them gole della un penella: Krenn o drom o Debleske, te nai well lo pash i menshende! Lenn halauter krik, hoi o Debleske an o drom tchiddo hi.

Mateo 3:4

I plaashka dran viechengre balla his ap leste. Un i ledertikri dori his trul leste. Un leskro chapen his gwin un tikne stepangre, kai stenn an o senlepen trujel.

Louka 1:16

Un job anell bud menshen an Israel pash o Debleste.

Louka 1:76

Un tu miro tchawo, tu weh ninna i Debleskro rakepaskro. Un tu djah glan o Debleste, un kreh leske i drom pre, te well lo nai pash i menshende.

Johanni 1:13

Kowa wan le gar, har jon boldo wan. O newo djipen was gar dran o menshengro kamlepen. Na-a, o newo djipen lan le kokres o Deblestar.

Johanni 1:34

Me dikom kowa halauter. Doleske nai penau me ninna: Kau mursh hi o Debleskro tchawo.”

Johanni 3:28

Tumer halauter shunan, kai penom, kai hom me gar ko baro rai, kolestar o Dewel penas, te well job. O Dewel bitchras man glan koleste.

Bičepangre 10:33

Un me bitchrom murshen pash tute. Un kowa his mishto, kai tu wal. Kanna ham mer lauter glan o Debleste khetne, te shunas lauter, hoi o Dewel, maro rai, tuke penas.”

Remarja 9:23

Kowa kras lo, te sikrell lo peskro baro railepen ap kolende, kai lan leskro kamlepen. Kolen rodas lo win, te djiwenn le leha khetne an leskro railepen.

Kolossarja 1:12

Parkrenn tumen o tselo djijestar pash o Debleste, kai hi tumaro dad an o bolepen! Job kras tumen moldo, te djiwenn tumer khetne i wawar patslentsa pash leste an o bolepen, kai hi kek tamlepen.

2. Timoteo 2:21

Jaake hi kowa ninna i patslentsa: Kowa, kai tchiwas ko tselo tchilatchepen dran peskro djipen win, kowa hi har i kutch tcharo o rajeske pral o kheer. Job hi kokres peskro rajeske koi, un hi leske bud moldo. Leskro rai nai dell leske haki latchi budi.

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.

1. Johanni 2:28

Un kanna, mire tchawe, atchenn pash leste, te well men kek traash, te well job pale. Jaake hunte ladjas men gar glan leste.

Debleskro tsiro 20:4

Un me dikom kolen, kolenge o shero tele dino was doleske, kai rikran le soreles ap o Debleskro lab un sikran i menshende o Jesuseskro drom. Jon mangan gar ko vieches an, witar gar ko vieches, hoi i menshendar kerdo was. Un jon lan gar o viecheskro lab ap pengre shere, witar gar ap pengre wasta. Kalla lauter wan kanna djido. Jon hi beshdo ap i rajengre beshepangre, un lenn i soor, te rakrenn le o tchatchepen win pral i menshende. Khetne o Jesus Kristeha hi le raja jek sero bersh.

1. Samuel 7:5

Un o Samuel das i tsele murshen an Israel khetne gole an Mizpa, te mangas lo lenge o baro Deblestar.