Kolossarja 4:3 - O Debleskro Drom 2021 (Sinte)

³ Mangenn o Debles ninna menge, te krell lo menge i drom pre, te penas nai leskro lab i menshenge, te sikras lende, te hi o Jesus Kristo ko drom, kai anell men pash o Debleste. Kowa djinan i menshe i rah tsiro gar. Har me kowa i menshenge penom, wom doleske an o stilepen.

O Debleskro Lab 2024 (Sinte-Manouche)

³ Mangenn o Debles ninna menge, te krell lo menge i drom pre, te penas nay leskro lab i menshenge, te sikras lende, te hi o Yezous Kristo ko drom, kay anell men pash o Debleste. Kova djinan i menshe i rah tsiro gar. Har me kova i menshenge penom, vom doleske an o stilepen.

Kolossarja 4:3 ပူးပေါင်းရင်းမြစ်များ

Mateo 13:11

Penas lo ap lende: O Dewel mukell tumen te haiwell, har kote djal, kai dell lo menshen pash peste gole, te djan le ap leskro drom. I wawar menshe haiwenn kowa gar.

Bičepangre 14:27

Un o Paulo un o Barnabas wan kanna pale pale an kau foro. Kote dan le i patslen khetne gole, un penan lenge, kai o Dewel lentsa his, un har bud koowa job kras, un har job ninna kolen, kai kek bibolde hi, pash peste gole das, un jon ap leskro drom wan.

Remarja 16:25

Sharedo well o baro Dewel! Les hi i soor, te krell lo tumaro patsepen soreles. Jaake penell les o latcho lab, hoi me penau i menshenge, ko latcho lab o Jesus Kristestar. Kate well siklo o drom pash o Debleste. Kowa djinan le i rah tsiro gar.

1. Korintarja 16:9

Kate nai budrau me mishto o Debleske, ninna te hi kate bud menshe, kai krenn mange miri budi phares.

1. Korintarja 4:1

Hakeno hunte dikell ap mende, te ham mer o Jesus Kristeskre budepangre. Job das men koi budi, te penas i menshenge, hoi o Debles an o dji hi, un hoi i menshe gomme gar djinenna.

2. Korintarja 2:12

Har wom me an o foro Troas, te penap kote o latcho lab o Jesus Kristestar, kras o Dewel i menshengre djia pre.

Efesarja 3:1

Doleske bitchras o Jesus Kristo man, o Paules, pash tumende, kai kek bibolde han. Dran kowa hom me kanna an o stilepen. Tumer shunan, har das man o Dewel miri budi, te penap kolenge, kai kek bibolde hi, har baro leskro latchepen ninna lenge hi.

Efesarja 3:3

Kowa djinan i menshe gar. An kau tikno liil tchinom tumenge, hoi sikras man o Dewel pral kowa.

Efesarja 3:4

Te drawerenn tumer miro liil, palle haiwenn, kai prindjrau kowa, hoi o Jesus Kristo menge kras.

Efesarja 3:9

un te sikrap lauterende, har kras o Dewel kowa, hoi his les an o dji. Kowa djinan i menshe i rah tsiro gar. O Dewel kokres, kai kras o bolepen un i phub, djinas les.

Efesarja 4:1

Me hom an o stilepen o Jesuseske, maro rajeske, un mangau tumen o djijestar, te djiwenn tumer tumaro djipen har sawe menshe, kolen o Dewel peske khetne gole das.

Filiparja 1:19

Awa, me hom bachtelo. Tumer mangenn o Debles mange. Un ap miri rig hi o Debleskro Ducho, kai o Jesus Kristo man das. Doleske djinau, te djal lauter mishto mange.

Filiparja 1:7

Me nai sharau tumen jaake. Tumer han an miro dji un rikrenn mantsa khetne, ninna kanna, kai hom an o stilepen, un penau o latcho lab o Jesus Kristestar glan i tchatchepangre un sikrau lende leskro drom jaake, te djinenn le o tchatchepen.

Kolossarja 1:26

I rah tsiro djinan i menshe ap i tseli phub gar, hoi o Dewel kamas te krell. Kanna djinenn les o Debleskre menshe.

Kolossarja 4:18

Me, o Paulo, tchinau tumenge miro wasteha kal laba: “Atchenn o Debleha!” Ma bistrenn man, kai hom an o stilepen! O Debleskro latchepen djal tumentsa!

1. Tessalonikarja 5:25

Mire phrala, mangenn lestar ninna menge!

2. Timoteo 1:16

Me mangau o Debles miro phraleske, o Onesiforo un i menshenge an leskro kheer, te well lo lenge latches. O Onesiforo kras bud kope miro dji soreles, un ladjas pes gar mange, har homs stildo.

2. Timoteo 2:9

Koleske lau duka ap mande. Jon pandan man an o stilepen, har te woms i marepaskro. Ninna te pandan le man an o stilepen, nai pandenn jon gar o Debleskro lab.

2. Timoteo 4:2

Pen i menshenge o Debleskro lab! Kre kowa un muk gar tele, ninna te kamenn i menshe kowa gar te shunell! Sike len lengri doosh! De len trad, te mukenn le o tchilatchepen! Kre lengre djia soreles an o patsepen! Un ab gar khino, te sikress len o tchatcho drom!

Filemon 1:22

I wawar koowa mangau tutar: Kre mange i isema an tiro kheer, kai me nai sowap! O Dewel te shunell tumaro mangepen, palle wau an i tikno tsiro pash tumende. Kowa patsau.