Kolossarja 4:18 - O Debleskro Drom 2021 (Sinte)

¹⁸ Me, o Paulo, tchinau tumenge miro wasteha kal laba: “Atchenn o Debleha!” Ma bistrenn man, kai hom an o stilepen! O Debleskro latchepen djal tumentsa!

O Debleskro Lab 2024 (Sinte-Manouche)

¹⁸ Me, o Paulo, činau t'menge miro vasteha kal laba: “Ačenn o Debleha!” Ma bistrenn man, kay hom an o stilepen! O Debleskro lačepen djal t'mentsa!

Kolossarja 4:18 ပူးပေါင်းရင်းမြစ်များ

Remarja 16:20

O Dewel, kai dell tumen peskri bacht an o dji, krell o bengeskri soor paash. Un ko tsiro well sik. O latchepen maro rajestar, o Jesus Kristestar, djal tumentsa!

Remarja 16:22

Me, o Tertio, tchinom an kau liil kowa, hoi o Paulo mange penas, un me penau tumenge ninna latche laba.

Remarja 16:23

O Gajo, – kowa las man an leskro kheer dren, – penell tumenge latche laba. An leskro kheer wenn i tsele patsle khetne. Ninna o Erasto, kai dell garda ap o foreskre lowe, un o Kwarto, miro latcho phraal an o patsepen, penenn tumenge latche laba.

1. Korintarja 16:21

Atchenn o Debleha! Kowa tchinau me, o Paulo, miro wasteha.

Filiparja 1:7

Me nai sharau tumen jaake. Tumer han an miro dji un rikrenn mantsa khetne, ninna kanna, kai hom an o stilepen, un penau o latcho lab o Jesus Kristestar glan i tchatchepangre un sikrau lende leskro drom jaake, te djinenn le o tchatchepen.

Kolossarja 4:3

Mangenn o Debles ninna menge, te krell lo menge i drom pre, te penas nai leskro lab i menshenge, te sikras lende, te hi o Jesus Kristo ko drom, kai anell men pash o Debleste. Kowa djinan i menshe i rah tsiro gar. Har me kowa i menshenge penom, wom doleske an o stilepen.

2. Tessalonikarja 3:17

Kal laba tchinau miro wasteha: Atchenn o Debleha! Jaake tchinau an mire tsele lila. Kowa sikrell tumen, kau liil well mandar.

1. Timoteo 6:21

Denn menshe mashkral i patslende, kai patsan kolen, un peran o Debleskro dromestar tele. O Debleskro latchepen djal tumentsa lauterentsa!

2. Timoteo 1:8

Ma ladj tut, te rakress tu maro rajestar, o Jesusestar! Ma ladj tut mange, ninna te hom me kanna leske an o stilepen! Na-a, rake maro rajestar, ninna te wenn duka ap tute, jaake har me lau duka ap mande, te well o latcho lab o Jesusestar penlo. O Dewel dell tut i soor.

2. Timoteo 4:22

Maro rai Jesus hi tuha! Leskro latchepen djal tumentsa!

Tito 3:15

Lauter kolla, kai pash mande hi, mukenn tuke latche laba te penell. Pen latche laba mendar lauterenge, kai kamenn men an o patsepen! O Debleskro latchepen djal tumentsa lauterentsa!

Hebrearja 13:25

O Debleskro latchepen tumenge lauterenge!

Hebrearja 13:3

Ma bistrenn kolen, kai hi an o stilepen. Denn lende kowa, hoi len hunte well djipaske, jaake har te wans tumer kolla, kai stildo hi! Awenn ninna kolenge koi, kai wan palla lino un lan dawa. Awenn lenge jaake koi, har wans tumer kolla, kai wan palla lino un lan dawa.