Kolossarja 3:8 - O Debleskro Drom 2021 (Sinte)

^8-9 Kanna djiwenn tumer buder gar tumaro phuro djipen. Doleske tchiwenn i choli tumendar krik, ninna o tchilatchepen, o djungelo rakepen pral o wawareste, wi-ladjede laba! Ma chochenn tumen!

O Debleskro Lab 2024 (Sinte-Manouche)

^8-9 Kanna djivenn t'mer bouder gar t'maro phouro djipen. Doleske čivenn i rholi t'mendar krik, ninna o čilačepen, o djoungelo rakepen pral o vavareste, vi-ladjede laba! Ma rhorhenn t'men!

Kolossarja 3:8 ပူးပေါင်းရင်းမြစ်များ

Debleskri gili 37:8

Muk tele i choljatar! Ma choje tut pral o tchilatchepen, hoi i wawar krenna! Kowa nai anell tut jaake dur, te kreh tu ninna o tchilatchepen.

Gosewe laba 17:14

Muk tele o tchingepah jaake rah har lo gomme tikno hi! Tchingepen hi har pani, hoi dran i phub win phagell. Muk tele glan kowa job sorleder well!

Gosewe laba 19:19

Kowa, kai dran i bari choli tchomone kras, muk les peskri phagi te lell. Weh tu ap leskri rig, hunte kress tu kowa pale te pale.

Gosewe laba 29:22

I mursh, kai hako tsiro an i choli hi, sawo krell tchingepen, un anell bud doosh ap peste.

Mateo 5:22

Me penau tumenge: Koon ap peskro phraleste chojedo hi, kowa hunte well glan o tchatchepaskro anlo. Un koon peskro phrales praassella, kowa hunte well glan i pralstune tchatchepangre anlo. Un koon penella: Dja tuke pash o bengeste! kowa wella an o bengeskri jag witsedo.

Markus 7:22

Te chochell i mursh peskri romjat i wawar djuwjah, un te chochell i djuwel peskro romes i wawar mursheha, well kowa dran lengre djia. Dran o dji well ninna i bok pal i lowe, o chochepen, wi-ladjedo koowa un dinlepen. Dran o dji well ninna, te dikell jek tchilatche jakentsa ap kowa, hoi o wawares hi, te hi lo midjak ap o wawareste, te rakrell lo djungeles pral o wawareste, te hadell lo pes pral o wawareste.

Remarja 13:13

Djiwas jaake djudjo, har djiwenn i menshe ap o diwes. Te djas gar kote, kai chan le pen nasselo un pijenn pen mato! Te kras gar wi-ladjedo koowa! Te tchingras gar, un dikas gar tchilatche jakentsa ap kowa, hoi o wawares hi!

1. Korintarja 3:3

Tumer djiwenn jaake har te prindjrenn o Jesus Kristes gar. Te hi tchingepen mank tumende, un te silwerenna, palle djiwenna jaake har i menshe, kai prindjrenn o Jesus Kristes gar.

2. Korintarja 12:20

Me trashau, te wau pash tumende, dikau sawo koowa pash tumende, hoi kamau gar. Palle hom me witar gar jaake har tumer kamenna. Me trashau te dikau tchingepen mank tumende, ninna silwepen, choli, praassepen, djungelo rakepen pral o wawareste, pre-phurdepen, bipandlo djipen, un jek kamell feteder te well har ko wawar.

Galatarja 5:15

Te dandrenn tumer tumen har midjak djukle, denn jak, te chal jek kol wawares gar pre!

Galatarja 5:20

Jon mangenn wawar koowa an har o Debles. Jon durkrenna. Jon kurenn pen un tchingrenn pen. Jon silwerenna, un len hi choli ap i wawarende. Jon dikenn ap pende kokres, te djal lenge mishto, un dikenn gar ap i wawarende, te djal lenge ninna mishto. Jon mukenn pengre phralen un djan wawarentsa khetne.

Galatarja 5:26

Mer rodas gar pal kowa, te was bareder un feteder har kol wawar. Mer tchingras gar un dikas gar tchilatche jakentsa ap kowa, hoi ko wawares hi!

Efesarja 4:22

Ma djiwenn buder gar tumaro phuro djipen! An tumaro phuro djipen was o tchilatcho koowa baro an tumare djia, un tumer kran, hoi tumenge gar mishto hi. Sawo koowa krell tumaro djipen paash.

Efesarja 4:25

Ma chochenn buder! Mer ham lauter phrala un phenja. Doleske rakrenn o tchatchepen jek o wawareha!

Efesarja 4:26

Te wenn tumer an i choli, palle denn garda, te krenn kek tchilatcho koowa! Mukenn o kham gar tele te djal pral tumari choli!

Efesarja 4:29

Rakrenn kek tchilatche un djungele laba! Kowa, hoi tumer penenna, hunte well latches kolenge, kai shunenna, te lenn le newi soor an pengro djipen.

Efesarja 5:4

Hi witar gar tchatcho o Debleskre tchawenge, te rakrenn le djungele laba, dinelo koowa, un sapaskro koowa, hoi tchi moldo hi! Tumare labentsa sharenn o Debles, un parkrenn tumen pash leste! Kowa krenn un gar ko wawar!

Kolossarja 3:5

Ma krenn buder kowa, hoi kran an tumaro phuro djipen: Ma lubrenn trujel! Ma krenn djungelo un wi-ladjedo koowa! Ma mukenn tchilatcho koowa an tumaro shero trujel te djal! Ma nashenn pal i lowe! Koon pal i lowe nashella, koleske hi peskre lowe har leskro dewel.

1. Timoteo 1:13

His i tsiro, kai rakrom djungeles pral leste, un lom i patslen palla, te marap len. An ko tsiro prindjrom les gar, un djinom gar, hoi me krom. Job kras mange peskro dji pre, un las man dran o tchilatchepen win.

1. Timoteo 1:20

Dui lendar hi o Himeneo un o Alexandro. Kolen dom an o bengeskro wast, te rakrenn le buder gar djungeles pral o Debleste.

Hebrearja 12:1

Kanna dikah, bud bud menshe patsan, te hi kowa tchatcho, hoi o Dewel penas. Mer ham gar kokres, kai patsah. Doleske hunte kras har jon kran, un mukas gar tele te nashas ap o Debleskro drom, hoi glan mende hi. Te tchiwas lauter tele, hoi kamell men pale te rikrell! Ninna hunte tchiwas o tchilatchepen tele, hoi kamell men te taprell.

Jakobo 2:7

Un pral koleste, koon tumaro rai hi, rakrenn le djungeles.

1. Petro 2:1

Doleske mukenn hako tchilatcho koowa! Ma chochenn! Ma rakrenn dui tchipjentsa! Ma silwerenn! Rakrenn kek djungelo koowa pral kekeste!

2. Petro 2:18

Jon rakrenn bare laba, kai tchi moldo hi. Lengro wi-ladjedo djipen tserdell kolen ap o tchilatcho drom, kai dan glan i tikno tsiro pengro phuro djipen pre.

2. Petro 2:7

O Lot kokres was win lino dran o foro Sodom, har i jag tele peras. Job djiwas jaake, har o Dewel kamas. Un leske dukas ko djungelo djipen, hoi kol tchilatche menshe djiwan.

Judas 1:13

Jon hi har diwje panja, hoi witsrenn pengro tchik, hoi an lende hi, win ap i phub glan lende. Jon hi har bolepangre momlia, hoi dran pengro drom win djan, un hunte djan kanna hako tsireske an i kali rat.

Judas 1:8

Un jaake hi ninna kolla, kai dikenn sunja, un krenn wi-ladjedo koowa, un kamenn kek rajes pral pende, un rakrenn djungeles pral kolende an o bolepen.

Debleskro tsiro 16:9

Un i menshe wan soreles chatchedo. Un jon praassan o Debles, kai das len koi phagi. Un jon mukan gar pengro tchilatcho drom, un sharan o Debles gar.