Kolossarja 3:3 - O Debleskro Drom 2021 (Sinte)

³ Tumer meran. Un tumaro newo djipen hi kanna o Jesus Kristeha pash o Debleste an o bolepen, ninna te dikenn kowa kanna gomme gar.

O Debleskro Lab 2024 (Sinte-Manouche)

³ T'mer meran. Oun t'maro nevo djipen hi kanna o Yezous Kristeha pash o Debleste an o bolepen, ninna te dikenn kova kanna gomme gar.

Kolossarja 3:3 ပူးပေါင်းရင်းမြစ်များ

Mateo 11:25

Un ap kau tsiro penas o Jesus: Tata, tu hal o rai pral o bolepen un i phub. Me sharau tut. Kowa, hoi tu kreh, sikral tu kolende, kai gar bud djinenna. Kolla, kai gosewo hi un bud djinenna, kolla haiwenn kowa gar.

Johanni 14:19

An i tikno tsiro dikenn man i menshe ap kai phub buder gar. Tumer dikenn man. Me djiwau. Doleske djiwenn tumer ninna.

Johanni 3:16

O Dewel kamas i menshen jaake bud, te das lo lenge peskro jek tchawes. Les his kek wawar. Hakeno, koon patsell ap leste, djal gar nashedo. Job lell ko djipen, hoi gar pre-herella.

Johanni 4:14

Koon ko pani pijella, hoi me les dau, kowa lell an peskro tselo djipen buder kek trush. Ko pani, hoi me les dau, well an leste i djido pani, hoi dell les o djipen, hoi gar pre-herella.”

Johanni 5:21

Har o dad i mulen pre djangrella, un dell len o newo djipen, jaake nai dell ninna o tchawo o newo djipen, kones job kamella.

Johanni 5:24

Tchatchepah, me penau tumenge: Koon miro lab shunella, un patsell ap koleste, kai man bitchras, koles hi ko djipen, hoi gar pre-herella. Pral leste well kek phagi wi-rakedo. Job mukas ko merepen pal peste, un djas an o djipen.

Johanni 5:40

Pash mande kamenn tumer gar te well, te lenn ko djipen, hoi gar pre-herella.

Remarja 5:10

Dikenn! Ap ko tsiro, kai kamam o Deblestar tchi te djinell, meras o Debleskro tchawo menge. Leskro merepen anas men pash o Debleste, te djiwas pale leha khetne. Un kanna ham o Debleskre mala. Un leskro tchawo djiwella, te djas mer gar nashedo.

Remarja 5:21

O menshengro tchilatchepen his sorelo, un anas o merepen. O Debleskro latchepen hi sorleder. Kanna, kai ham tchatcho glan leste, dell lo men o djipen, hoi gar pre-herella. Kowa kras maro rai, o Jesus Kristo, menge.

Remarja 6:11

Doleske dikenn jaake ap tumende, har te wans mulo, un te nai krans buder gar o tchilatchepen. Djiwenn o Jesus Kristeha khetne o Debleske!

Remarja 6:2

Kowa kras mer gar! Mer ham har mulo. Un o tchilatchepen hi buder gar o rai pral mende.

Remarja 8:2

Un o Debleskro Ducho, koles o Jesus Kristo men das, hi kanna o rai pral mende. Un kowa dell men o djipen un lell men win dran o tchilatchepen un o merepen.

1. Korintarja 15:45

An o Debleskro lab hi tchinlo: O ersto mensho, o Adam, las o djipen. Un o Jesus Kristo, koles nai kharams mer ‘o duito mensho’ – job hi i djido ducho, kai dell o djipen.

1. Korintarja 2:14

I mensho, koles o Debleskro Ducho gar hi, haiwell gar, hoi o Debleskro Ducho penella. O Debleskro koowa hi leske dinlepen. Ko mensho nai dikell gar, har o Dewel kowa dikella.

2. Korintarja 5:14

O baro kamlepen, hoi o Jesus Kristo men das, bitchrell men pash i menshende. Un mer djinah, te meras jek menge, hi kowa jaake, har te merans le lauter.

2. Korintarja 5:7

Mer djiwah dran o patsepen, un djiwah gomme gar an ko tsiro, kai dikah les.

Galatarja 2:20

Kowa hom gar me, kai djiwau kanna. Hi o Jesus Kristo, kai djiwell an mande. Un ko djipen, hoi kanna djiwau, djiwau me an o patsepen ap o Debleskro tchaweste. Job kamas te djiwap, un das peskro djipen mange an o merepen.

Efesarja 3:9

un te sikrap lauterende, har kras o Dewel kowa, hoi his les an o dji. Kowa djinan i menshe i rah tsiro gar. O Dewel kokres, kai kras o bolepen un i phub, djinas les.

Filiparja 4:7

Palle dell o Dewel tumen peskri bacht an o dji. Leskri bacht hi jaake baro, kai nai haiwah kowa gar. Un o Jesus Kristo rikrell tumaro dji, un lell tumari daar krik.

Kolossarja 1:5

Tumaro patsepen un kamlepen well dran kowa, kai dikenn tumer ap ko diwes, kai djiwenn tumer o Debleha khetne an o bolepen. Kowa shunan tumer ap ko tsiro, har tumenge o latcho lab o Jesus Kristestar penlo was. Un ko lab hi tchatcho.

Kolossarja 2:20

Tumer meran o Jesus Kristeha. Doleske hi i phubjakro koowa buder gar o rai pral tumende. Hoske rikrenn tumen gomme ap kol menshengre laba, kai penenn tumenge:

Kolossarja 2:3

Job kokres nai dell tumen o tselo goswepen, te haiwenn o Debleskro lab mishto.

Kolossarja 3:4

Ap ko tsiro, kai nai dikell hakeno o Jesus Kristes, dikenn le ninna tumen pash leste an leskro railepen.

Hebrearja 7:25

Doleske nai krell lo, te djal kek kolendar nashedo, koon job pash o Debleste anas. Job djiwell hako tsireske, un mangell o Debles lenge.

1. Petro 3:4

Tumaro shukapen hunte well dran tumaro dji un sikrell pes an o latchepen, kai kek tchingepen dren hi. Sawo shukapen atchella, un hi bud moldo glan o Debleskre jaka.

1. Petro 4:2

Jaake rah, har kau mensho ap kai phub hi, krell lo kowa, hoi o Dewel kamella, un djiwell buder gar pal peskro shero.

1. Johanni 3:2

Latche phrala un phenja, kanna ham Debleskre tchawe. Un hoi mer wah an ko tsiro, hoi wella, djinah gomme gar. Jek djinah: Ap ko tsiro, kai well o Jesus Kristo pale, dikah les har job hi, un mer wah jaake, har job hi.

Debleskro tsiro 2:17

Shunenn halauter mishto, hoi o Debleskro Ducho penella ap i patslende! Kowa, kai soreles an o patsepen atchas, un gar pre das, koles dau ko maro dran o bolepen te chal, hoi kharella Manna. Ninna dau les i parno bar. Ap koleste hi o newo lab tchinlo, koles kek prindjrell, har kowa, kai les lella.”