Kolossarja 3:13 - O Debleskro Drom 2021 (Sinte)

¹³ te choirell pes kek sik pral o wawareste. Un bistrenn ko tchilatcho koowa, hoi i wawar ap tumende kran! Jaake har o rai, o Jesus Kristo, tumari doosh bistras, hunte krenn tumer kowa ninna.

O Debleskro Lab 2024 (Sinte-Manouche)

¹³ te rhoyrell pes kek sik pral o vavareste. Oun bistrenn ko čilačo koova, hoy i vavar ap t'mende kran! Yaake har o ray, o Yezous Kristo, t'mari doosh bistras, hounte krenn t'mer kova ninna.

Kolossarja 3:13 ပူးပေါင်းရင်းမြစ်များ

Gosewe laba 19:11

Koles tchatcho goswepen hi an o dji, kowa well gar sik chojedo, un dikell gar ap i doosh i wawarendar. Doleske dikenn le pre ap leste.

Mateo 5:44

Me penau tumenge: Awenn latches kolenge, kai hi tchilatcho ap tumende! Mangenn o Debles kolenge, kai lenn tumen palla!

Mateo 6:12

Un biste mari doosh, hoi mer ap mende anam! Un ninna mer bistrah o tchilatchepen, hoi i wawar ap mende kran.

Markus 11:25

Un te han tumer tardo un mangenn tchomone o Deblestar, bistrenn ko tchilatcho koowa, hoi i wawar ap tumende kras, te bistrell tumaro dad an o bolepen ninna ko tchilatcho koowa, hoi tumer kran.

Louka 11:4

Un biste maro tchilatchepen, hoi mer kram! Un ninna mer bistrah o tchilatchepen, hoi i wawar ap mende kran. Ma muk men tiro dromestar tele te djal!”

Louka 23:34

Koi penas o Jesus: “Miro dad, le i doosh kolendar krik, kai man ap o trushel dan! Jon djinenn gar, hoi jon kran.” Un i lurde khelan pral leskre koola, te dikenn le, hoi hakeno lella.

Remarja 15:7

Jaake har hi o Jesus Kristes i dji tumenge, jaake hunte well tumen i dji jek o wawareske! Palle well o Dewel sharedo.

2. Korintarja 2:10

Te bistrenn tumer o tchilatchepen, hoi o wawar ap tumende kras, palle bistrau me kowa ninna. Awa, te dals tchomone, hoi hunte bistroms me, palle bistrom me kowa tumenge. Kowa djinell o Jesus Kristo.

2. Korintarja 6:6

Maro djipen sikrella, te ham o Debleskre budepangre. Mer djiwah i djudjo djipen un djinah, hoi o Dewel kamella. Mer wah gar khino an mare djia, ham kamlo, un krah, hoi o Debleskro Ducho menge penella. Un an maro kamlepen hi kek chochepen.

Galatarja 6:2

Jek hunte dikell ap ko wawareste un hidjrella leha, hoi an leskro dji leske dukrella. Jaake krenn tumer kowa, hoi o Jesus Kristo tumendar kamella.

Efesarja 4:2

Ma krenn tumen bares! Awenn latches jek ap o wawareste! Denn i wawaren gar jaake sik pre! Djiwenn khetne an o kamlepen!

Efesarja 4:32

Awenn kamlo jek ap o wawareste, un lenn i dji o wawareske! Bistrenn o tchilatchepen, hoi o wawar ap tumende kras! Ninna o Dewel bistras tumaro tchilatchepen, har o Jesus Kristo tumenge meras.

Efesarja 5:2

un djiwenn an o kamlepen, jaake har o Jesus Kristo peskro kamlepen mende sikras, har job menge meras. Un jaake das lo peskro djipen o Debleske. Un o Dewel dikas latches ap leste.

Kolossarja 3:12

Tumer han kanna o Debleskre menshe, kolen job peske win rodas. Job kamell tumen o djijestar. Doleske hunte well tumen i baro dji o wawareske, te well hakeno latcho ap o wawareste, te krell pes kek bareder har o wawar, te rakrell hakeno latches o wawareha, te dell kek o wawares sik pre,

Jakobo 2:13

Ma bistrenn! Well jek diwes, kai rakrell o Dewel o tchatchepen win pral tumende. Te hi jekes kek dji i wawareske, koleske hi o Debles witar kek dji. Kones hi i dji i wawarenge, koles hunte well kek daar ap ko diwes, kai rakrell o Dewel o tchatchepen pral i menshende win.

1. Petro 2:21

Job das tumen pash peste gole, te krenn o latchepen, un te rikrenn i duka win. Ninna o Jesus Kristo las tumenge duka ap peste. Job kras kowa, te sikrell lo tumenge, har te djan leske palla.