Kolossarja 2:16 - O Debleskro Drom 2021 (Sinte)16 Ma shunenn ap kolende, kai penenn tumenge: “Hi gar mishto, te chan un pijenn tumer kawa te kowa!” Ma shunenn ap lende, te penenn le tumenge, te denn jak ap bare diwessa an o tchon un an o bersh, ninna ap o diwes, kai i bibolde gar budrenna. အခန်းကိုကြည့်ပါ။O Debleskro Lab 2024 (Sinte-Manouche)16 Ma shounenn ap kolende, kay penenn t'menge: “Hi gar mishto, te rhan oun piyenn t'mer kava te kova!” Ma shounenn ap lende, te penenn le t'menge, te denn yak ap bare divessa an o čon oun an o bersh, ninna ap o dives, kay i bibolde gar boudrenna. အခန်းကိုကြည့်ပါ။ |
Kolossarja 2:16
42 ပူးပေါင်းရင်းမြစ်များ
Ninna hunte wenn le glan o baro Debleste tardo, an kol diwessa, kai marenn i rashaja o baro Debleske viechen, hoi leske tseles chatchedo wenn. Kowa his ap o Debleskro diwes, un ap ko diwes, kai o newo tchon diklo well, un ap i tsele wawar bare diwessa. Hako diwes hunte wenn jaake bud Levitarja glan o baro Debleste, har glan tchinlo hi.
Un i tsele menshe rowan, har shunan le kol laba, hoi an o Moseskro liil tardo his. Un o Nehemia, kowa his o moskro pral o foro Jerusalem, un o rashai Esra, kowa his o sikepaskro, un kol Levitarja, kai i menshenge penan, hoi o Debleskro lab kamell te penell, kolla penan ap lauterende: “Kau diwes hi i baro diwes o baro Debleske, kai tumaro Dewel hi. Doleske mukenn tumare djia gar phares te well! Un ma rowenn!”
O rai hunte dikell koi pre, te wenn i vieche, o djob un i mool anlo glan o baro Debleste an kol bare diwessa, kai wenn i Israelitarja khetne, te sharenn le o Debles, ninna ap ko diwes, kai well o newo tchon diklo, un ap o Debleskro diwes, un ap kol tsele wawar bare diwessa. O rai dell ko djob, koi mool un kol viechen i rashajen, te anenn jon kowa glan o baro Debleste, te well lauter krik lino, hoi mank o Debleste un i Israelitarjen tardo hi. I vieche, hoi maredo wenn, hi sawe, kai wenn tseles chatchedo un sawe, kai wenn maredo, te well i doosh krik lino, un sawe, kai chan i menshe khetne glan o baro Debleste.
Tumer penenn tumenge: Mu djal o Debleskro diwes sik trujel, ninna ko baro diwes, hoi sikrell, kai o newo tchon was! Palle nai krah maro djobeskro kheer pale pre, te bikras djob! O bikepaske lah mer i tikneder piri, te kras lat pherdo djob, un budeder lowe har tchatcho hi, un tchiwah sawe barra ap i waga, te chochas mer i ginepangre.
Phurdenn ninna an i phurdepangre ap kol bare diwessa, kai han tumer bachtelo, un ap ko diwes, kai well i newo tchon, un kai tumer o baro Debleske viechen anenn, sawe, hoi tumer leske tseles chatchrenna un sawe, hoi chan tumer glan leste khetne. Palle wenn tumer mange, tumaro Debleske, an o shero. Me hom tumaro baro Dewel.
Mer tchinah lenge i liil, un penah lenge, te chan le kek mass, hoi was glan i figura anlo, hoi i menshe an-mangenn, har te wals li o Dewel; te sowenn i mursha gar wawar djuwjentsa, witar gar i djuwja wawar murshentsa; te chan le kek mass i viechendar, kai o rat gar win nashas, te pijenn le lendar witar kek rat.
Te hi menshe koi, kai sikrenn tumen wawar dromma un kamenn tumen o Debleskro dromestar tele te anell, palle patsenn lenge gar! Har shukar hi kowa, te wenn tumer sorelo an o dji! Kowa krell o Dewel, kai hi jaake latcho ap tumende. Kolla, kai penenn tumenge, hoi te chan un hoi te chan gar, kolla nai krenn gar tumaro patsepen soreles. Lengre laba hi tchi moldo.
Mire phrala! Ma rakrenn djungeles pral o wawareste! Koon pral peskro phraleste djungeles rakrella un o gushteha ap leskri doosh sikrella, kowa tchiwell pes pral kowa, hoi o Dewel penas. Tu te kreh kowa, hal tu buder gar jek, hoi o Debleskro tchatchepen krella. Na-a, tu tchiweh tut pral o tchatchepen.
ကြော်ငြာတွေ