Kolossarja 2:12 - O Debleskro Drom 2021 (Sinte)

¹² Har wan tumer taufedo, was tumaro phuro djipen paskedo. Un jaake wan tumer o Jesus Kristeha paskedo. Har tumer ap leste patsan, kras o Dewel tumen djido, jaake har job o Jesus Kristes i mulendar djido kras.

O Debleskro Lab 2024 (Sinte-Manouche)

¹² Har van t'mer taufedo, vas t'maro phouro djipen paskedo. Oun yaake van t'mer o Yezous Kristeha paskedo. Har t'mer ap leste patsan, kras o Devel t'men djido, yaake har yob o Yezous Kristes i moulendar djido kras.

Kolossarja 2:12 ပူးပေါင်းရင်းမြစ်များ

Louka 17:5

Un kol deesh-te-dui bitchepangre penan ap o Jesuseste: “Kre maro patsepen soreles!”

Bičepangre 14:27

Un o Paulo un o Barnabas wan kanna pale pale an kau foro. Kote dan le i patslen khetne gole, un penan lenge, kai o Dewel lentsa his, un har bud koowa job kras, un har job ninna kolen, kai kek bibolde hi, pash peste gole das, un jon ap leskro drom wan.

Bičepangre 2:24

Ko Jesuses kras o Dewel djido. Job las les i mulendar win, un kek soor nai rikras les pash i mulende pale.

Bičepangre 2:32

Kau Jesuses mukas o Dewel i mulendar pre te stell. Kowa djinah mer. Mer halauter dikam les djido.

Remarja 4:24

Kowa was ninna menge tchinlo, kai patsah ap o Debleste. Kowa kras o Jesuses, maro rajes, i mulendar djido. Mer te djinas: Maro patsepen tchiwell men ninna an o tchatchepen.

Remarja 7:4

Jaake hi kowa ninna tumentsa, mire phrala. Har o Jesus Kristo meras, meran tumer leha. O Moseskre laba hi buder gar o rai pral tumende. Kol labenge han mulo. Kanna hi tumen i wawar rai. Kowa hi o Jesus Kristo, koles o Dewel i mulendar djido kras. Kanna nai djiwah jaake, te well o Dewel sharedo!

1. Korintarja 12:13

Kolla, kai ap o Jesus Kristeste patsenna hi bibolde un kolla, kai kek bibolde hi, hi raja un budepangre. Kolla lauter lan o Debleskro Ducho. Ko Ducho anas len lauteren khetne.

1. Korintarja 15:20

Ko tchatchepen hi: O Jesus Kristo hi o ersto, koles o Dewel i mulendar djido kras.

Galatarja 3:27

Har wan tumer ap o Jesus Kristeskro lab taufedo, his kowa jaake, har te riwans tumer o Jesus Kristes an, – jaake har i ripen.

Efesarja 2:8

Dran peskro latchepen las lo tumen dran o tchilatchepen win, har patsan ap o Jesus Kristeste. Tumer wan nai gar dran tumari soor dran o tchilatchepen un o merepen win. Na-a! O Dewel las tumen win.

Efesarja 3:17

Me mangau lestar ninna, te djiwell o Jesus Kristo an tumende dran tumaro patsepen, un te kamenn tumer o Debles un ninna jek o wawares o djijestar. Palle han tumer har i ruk, koleskre draba djan dur an i phub. Un tumer han har i kheer, hoi soreles tardo hi.

Efesarja 3:7

Kau latcho lab penau i menshenge. O Dewel his mange latcho, te das lo man kai budi. Ninna das lo man i soor, te krap kowa.

Efesarja 4:5

Tumen hi o emligo rai, un o emligo patsepen. Un tumer lan o emligo Debleskro thopen.

Efesarja 5:14

Un kowa, hoi diklo wella, atchell gar an o tamlepen. Doleske giwah mer an i gili: “Tu, kai soweh, ste pre! Ste i mulendar pre! Un o Kristo well tuke har i momeli.”

Filiparja 1:29

O Dewel hi tumenge latcho, un das tumen o patsepen ap o Jesus Kristeste, un gar o patsepen kokres. Na-a, dran o patsepen ap leste, hunte lenn tumer ninna duka ap tumende.

Kolossarja 1:29

Dran kowa budrau i tseli sorjah, hoi o Jesus Kristo an mande das.

Kolossarja 2:13

An o phuro tsiro, har tumer an o tchilatchepen djiwan, hans mulo o Debleske, un hans gar leskre menshe. Kanna kras o Dewel tumen o Jesus Kristeha djido, un las tumari tseli doosh tumendar.

Hebrearja 12:2

Te dikas ap o Jesus Kristeste! Kowa anas men ap o Debleskro drom, un djal glan mende, bis te wah pash leste. O Jesus Kristo meras ap o trushel. Ninna te his kowa i ladj leske, las lo kau merepen ap peste. Job djinas, pal kowa well i bari bacht ap leste. Un kanna hi lo beshdo ap o Debleskri tchatchi rig.

Hebrearja 6:2

Ninna was tumenge penlo, te mukenn tumen te taufrell, un hoske i patslo peskre wasta ap i wawareste tchiwella. Tumenge was ninna penlo, te krell o Dewel i mulen djido, un te rakrell lo o tchatchepen pral lende win. Kowa, hoi job len dell, – o djipen har i phagi, – kowa atchell hako tsiro ap lende.

1. Petro 3:21

Jaake har wan kol ochta menshe win lino dran o merepen, jaake djas tumenge kanna ninna, har wan tumer taufedo. Kote was gar koi tchik tumendar tele thodo. Na-a! Koon mukell pes te taufrell, kowa mangell o Debles, te dell lo les i djudjo dji. Kowa nai dell o Dewel leste doleske, kai stas o Jesus Kristo i mulendar pre un djas an o bolepen. Kanna hi lo beshdo ap i tchatchi rig o Deblestar, un hi o rai pral i tsele bolepangre, un pral i tsele pralstune un sorele an o bolepen.