Kolossarja 2:1 - O Debleskro Drom 2021 (Sinte)

¹ Me kamau, te djinenn tumer, har me marau man tele tumenge un kol patslenge an o foro Laodicea, ninna kolenge, kai prindjrenn man gar.

O Debleskro Lab 2024 (Sinte-Manouche)

¹ Me kamau, te djinenn t'mer, har me marau man tele t'menge oun kol patslenge an o foro Laodicea, ninna kolenge, kay prindjrenn man gar.

Kolossarja 2:1 ပူးပေါင်းရင်းမြစ်များ

1. Mose 30:8

Koi penas i Rachel: “Man his i baro kurepen miri phenjah un homs sorleder har joi.” Un joi das les ko lab Naftali.

Louka 22:44

Un o Jesus mangas o Debles sorleder, un rat nashas leskro sherestar tele ap i phub, jaake soreles was i daar ap leste.

Bičepangre 20:25

Me djom pash bud menshende un penom lenge, te dell o Dewel len pash peste gole, te lell lo len dran o tchilatchepen win. Kanna shunenn: Me djinau, kai dikenn tumer halauter man buder gar pale.

Bičepangre 20:38

Ko lab, hoi o Paulo penas, te dikenn le les buder gar pale, kras len bare duka an o dji. Palle djan le leha pash o shiffo.

Galatarja 4:19

Mire phrala! Me kamau tumen o djijestar, har te wans mire tchawe. Jaake har i djuwjat duka hi, te lell li i ternepen, jaake hi man pale duka tumenge, bis te well o Jesus Kristo diklo an tumende.

Filiparja 1:30

Kol duka, hoi ap tumende wenna, his man ninna, har homs pash tumende. Un ninna kanna ap kau tsiro shunenn tumer mandar, kai hunte lap duka ap mande.

Kolossarja 1:24

Un kanna hom bachtelo an kol duka, hoi anom tumenge ap mande. Jaake har o Jesus Kristo anas duka ap peste i patslenge, jaake hunte anap me ninna duka ap mande i patslenge.

Kolossarja 1:29

Dran kowa budrau i tseli sorjah, hoi o Jesus Kristo an mande das.

Kolossarja 2:5

Ninna te hom gar pash tumende, han tumer an miro dji. Un me hom bachtelo, te shunau, kai han sorelo tardo an o patsepen ap o Jesus Kristeste.

1. Tessalonikarja 2:2

Glan ko tsiro, kai wam pash tumende, hams an o foro Filipi. Ninna te wam kote palla lino un dino, har tumer djinenn, djam pal kowa pash tumende an o foro Tessalonika. O Dewel das men i soor, te penas tumenge o Debleskro latcho lab, ninna te his pash tumende bud menshe, kai kran menge o djipen phares.

Hebrearja 5:7

Har o Jesus ap i phub djiwas, kras lo lauter, hoi o Dewel kamas. Doleske shunas les o Dewel. An i daar mangas o Jesus o Debles i ropah un bari goljah. Job djinas, kowa nai lell les dran o merepen win.

1. Petro 1:8

Koles kamenn tumer o djijestar, ninna te dikan les gar. Ap leste patsenn tumer, ninna te dikenn les kanna nai gar. Tumaro patsepen anell tumen pash o Debleste an o bolepen. Kote hi tumari bacht jaake baro, hoi i labentsa nai gar penenna.

Debleskro tsiro 1:11

Un ko rakepen penas: “Tchin an i liil, hoi tu dikeh! Un bitche ko liil ap kol patslende, kai an kol efta forja khetne wenna: Efesus, Smirna, Pergamon, Tiatira, Sardes, Filadelfia un Laodicea!”