Josua 9:25 - O Debleskro Drom 2021 (Sinte)

²⁵ Un kanna dik, mer ham an tiro wast. Kre mentsa jaake har an tire jaka tchatcho hi!”

O Debleskro Lab 2024 (Sinte-Manouche)

²⁵ Oun kanna dik, mer ham an tiro vast. Kre mentsa yaake har an tire yaka čačo hi!”

Josua 9:25 ပူးပေါင်းရင်းမြစ်များ

1. Mose 16:6

Koi penas o Abram ap i Sarai: “Tiri budepaskretsa hi an tiro wast. Kre tu lah, hoi an tire jaka mishto hi!” Un i Sarai his tchilatcho ap late. Un i Hagar nashas peske latar.

2. Samuel 15:26

Te penell job ‘Tu hal gar latcho an mire jaka’, palle nai krell lo mantsa, hoi leske mishto hi.”

2. Samuel 24:14

Un o David penas ap o Gad: “Man hi bari traash. Muk men an o baro Debleskro wast te perell! Leskro kamlepen hi baro. Me kamau gar an i menshengro wast perell.”

2. Rajengro liil 10:5

Ko pralstuno pral o Ahabeskro kheer un o moskro un i phureder an o foro un kolla, kai tserdenn o Ahabeskre tchawen baro, kolla bitchran jekes pash o Jehu, un mukan leske te penell: “Mer ham tire budepangre. Mer krah lauter, hoi tu menge peneh. Mer kamah kek wawar baro rai pral mende. Kre, hoi an tire jaka mishto hi!”

Jesaja 47:6

Me homs chojedo pral mire menshende, un tchiwom len pale mandar, har te wans le buder gar mire, un dom len an tiro wast. Un tut his kek dji lenge. Ninna ap i phurende tchiwal tu tiro pharo wast un dal len phari budi.

Jeremia 26:14

Me hom an tumare wasta. Tumer nai krenn mantsa, hoi kamenn, har kowa glan tumare jaka tchatcho un mishto hi.

Jeremia 38:5

Kote penas o baro rai Zedekja ap lende: Ake, krenn leske, hoi kamenna! Man hi tchi penepaske pash tumende.

Mateo 11:26

Awa tata, jaake kamal tu kowa.

Josua 9:26

Un jaake kras o Josua lentsa, un mukas len gar an i Israelengre wasta te perell, un mukas len gar mulo te dell.

Čačepangre 10:15

I Israelitarja penan ap o baro Debleste: “Mer lam bari doosh ap mende! Kre tu mentsa, har tu kameh. Kokres kau jek kopo le men gomme win dran kolengre wasta!

Čačepangre 8:15

Un o Gideon djas pash kol murshende an o foro Sukkot un penas ap lende: “Dikenn kai, kate hi o Sebach un o Zalmunna, kolentsa tumer man praassan, har tumer penan: ‘O Sebach un o Zalmunna hi gomme gar an tire wasta! Hoske das mer tire khine lurden te chal?’”

1. Samuel 3:18

Kote penas o Samuel leske lauter un rikras tchi pale. Koi penas o Eli: “Job hi o baro Dewel un job krell jaake har latcho hi.”