Josua 9:15 - O Debleskro Drom 2021 (Sinte)

¹⁵ Un o Josua kras lentsa win, te well kek kurepen mashkral lende dujende. Un job das peskro wast koi pre, te mukell lo len te djiwell. Un i pralstune pral o Israel dan pen ninna sowel koi pre.

O Debleskro Lab 2024 (Sinte-Manouche)

¹⁵ Oun o Yosua kras lentsa vin, te vell kek kourepen mashkral lende douyende. Oun yob das peskro vast koy pre, te moukell lo len te djivell. Oun i pralstoune pral o Israel dan pen ninna sovel koy pre.

Josua 9:15 ပူးပေါင်းရင်းမြစ်များ

2. Samuel 21:2

[I Gibeonarja his gar kol menshendar Israel. Jon atchan pral fun i Amorarja. Un i Israelitarja kran lentsa win, te mukenn le len djido. Har kuras pes o baro rai Saul peskri tseli sorjah peskro themeske Israel un Juda, kamas lo ninna i tsele Gibeonarjen te marell.] Kanna mukas o baro rai David kol Gibeonarjen gole te dell, un rakras lentsa,

2. Mose 23:32

Ma awenn lengre mala! Ma mangenn tchomone lengre deblendar!

Josua 10:1

Un o baro rai pral o foro Jerusalem, o Adoni-Zedek, shunas, te las o Josua o foro Ai dren, un das lauteren mulo, kai kote djiwan. Ninna was leske penlo, te kras o Josua ko foreha Ai un leskro baro rajeha jaake, har lo ninna o foreha Jericho un leskro baro rajeha kras. Ninna shunas lo, te kran kolla, kai an o foro Gibeon djiwenn, i Israelentsa win, te well kek kurepen mashkral lende dujende, un te djiwenn le mashkral lende.

Josua 10:4

“Me mangau tumen, awenn pre pash mande, un wenn ap miri rig, te nai maras mer o foro Gibeon! Leskre menshe kran o Josueha un i Israelentsa win, te well kek kurepen mank lende.”

Josua 11:19

Koi his kek foro, hoi pes gar lentsa kuras, har i Hiwarja kokres, kai an o foro Gibeon djiwan. Kol tsele wawar forja lan le an o kurepen dren.

Josua 9:16

Un i Israelitarja djan dureder un wan pash i forja Gibeon, Kefira, Beerot un Kirjat-Jearim. Kalla his i forja, kai kol mursha djiwenn, kolentsa jon glan triin diwessa win kran, te krenn le lentsa kek kurepen. Koi shunan i Israelitarja, te djiwenn kol menshe mashkral lende un hi gar dran i dur them.