Josua 8:35 - O Debleskro Drom 2021 (Sinte)

³⁵ Un his kek lab, hoi mukas o Josua gar win te kharell kol tsele labendar, hoi o Mose penas. Un i tsele Israelitarja, ninna i djuwja un tchawe un wi-themarja mank lende shunan kowa.

O Debleskro Lab 2024 (Sinte-Manouche)

³⁵ Oun his kek lab, hoy moukas o Yosua gar vin te kharell kol tsele labendar, hoy o Mose penas. Oun i tsele Israelitarya, ninna i djouvya oun čave oun vi-themarya mank lende shounan kova.

Josua 8:35 ပူးပေါင်းရင်းမြစ်များ

Esra 10:1

Un har o Esra glan o Debleskro kheer ap peskre tchanga tchiddo his, un ropah o Debleha rakras un koi tseli doosh win rakras, wan bud menshe dran Israel trul leste trujel, mursha, djuwja un tchawe; un jon halauter rowan soreles.

Nehemia 8:2

Jaake anas o rashai Esra ap o ersto diwes an o eftato tchon o Moseskro liil glan i tsele Israelitarja, kai khetne wan, glan kol tsele murshende un djuwjende, un lauterende, kai nai haiwan les.

Nehemia 8:3

Un sik taissarlakro bis mashkral o diwes draweras job dran ko liil glan, kote ap koi platsa glan ko Panjeskro Wudar. Un hakeno das jak ap kowa, hoi an ko liil dren tardo his.

2. Mose 12:38

Lentsa djan ninna bud menshe, kai his kek Israelitarja, ninna bud bud bakre, busja un grumja.

Jeremia 26:2

Kowa hi, hoi me, o baro Dewel, tuke penau: Dja ap i glanstuni platsa glan miro baro kheer, un rake ap kol tsele menshende, kai wan dran i tsele forja dran o them Juda, te mangenn le man an. Pen lenge i tsele laba, hoi tuke penom. Ma muk tchomone krik!

Joel 2:16

Kharenn i menshen khetne, un thowenn tumen jaake har glan tchinlo hi, te wenn djudjo glan o Debleste. Awenn halauter khetne, tumer phure, tchawe un ternepen! O bijabeskro te djal dran peskri isema, un leskri pirni dran kolakri.

Zakarie 8:23

Kowa penell o baro Dewel, ko rai pral o bolepen un i phub: “An ko tsiro wenn deesh wi-themarja pash jek biboldo, taprenn les ap leskri baja, mangenn lestar un penenn: ‘Mer shunam, o Dewel hi tumentsa. Doleske muk men tumentsa te djal!’”

Markus 10:14

Har o Jesus kowa dikas, was lo chojedo, un penas ap lende: “Mukenn kol tchawen pash mande te well! Ma rikrenn len pale! Sawe har jon, kolen das o Dewel gole, te djiwenn le khetne leha an o bolepen.

Bičepangre 20:27

Me mukom gar tele, te penap tumenge halauter, hoi o Dewel tumenge kras.

Bičepangre 21:5

Pal efta diwessa djam mer dureder. Mentsa djan i phrala pengre romjentsa un i tchawentsa dran o foro win pash o pani. Un kote djam mer ap i tchanga un mangam o Debles an.

5. Mose 29:10

tumare tchawe un tumare djuwja un kol wi-themarja kolla mank tumende djiwenn, ninna kolla, kai tumenge o kasht tiknes denn un o pani anenna.

5. Mose 29:11

Kau diwes han kate, te djan tumaro baro Debleha koi sowel dren, te wenn tumer leskre menshe, un job tumaro Dewel, jaake har lo tumenge glan i tsiro penas, un ninna tumare phurenge penas, o Abrahameske, o Isaakeske un o Jakobeske. Un job krell tumentsa win, hoi lo tumendar kamella.

5. Mose 29:9

Kau diwes han halauter glan tumaro baro Debleste tardo: I pralstune pral tumare bare familjende, tumare phureder un kolla, kai pral tumende penepaske hi, hake mursha,

5. Mose 31:12

Kote an i tsele menshen khetne, i murshen, i djuwjen un i tchawen, ninna kol wi-themarjen, kai an tumare forja djiwenn. Jon lauter hunte shunenn kal laba, jaake te djinenn le, har te djiwenn le o baro Debleha, kai tumaro Dewel hi, un rikrenn pen mishto ap kal tsele tchatchepaskre laba.

5. Mose 4:2

Tchiwenn kek lab koi pashel, hoi me penom, te hunte krenn! Lenn ninna tchi kolestar krik, te rikrenn les gar. Rikrenn tumen ap i laba tumaro baro Deblestar, hoi me tumenge penau.