Josua 8:33 - O Debleskro Drom 2021 (Sinte)

³³ Un i tsele Israelitarja, lengre phureder, pralstune un tchatchepangre mursha, ninna i wi-themarja mank lende, jon halauter his tardo ap kol dui rigja pash o mochton, kai i deesh laba dren hi, hoi o baro Dewel len das. Ap koi jek rig dikan le i berga Garizim, ap koi wawar rig dikan le i berga Ebal. Mank lende un o mochton his i rashaja tardo, kai o mochton hidjran, – kolla his Levitarja. I tsele menshe his jaake tardo har o Mose, o baro Debleskro budepaskro, glan i tsiro penas, te wenn le tardo ap ko diwes, kai well o Debleskri bacht pral lende wi-rakedo.

O Debleskro Lab 2024 (Sinte-Manouche)

³³ Oun i tsele Israelitarya, lengre phoureder, pralstoune oun čačepangre morsha, ninna i vi-themarya mank lende, yon halauter his tardo ap kol douy rigya pash o morhton, kay i deesh laba dren hi, hoy o baro Devel len das. Ap koy yek rig dikan le i berga Garizim, ap koy vavar rig dikan le i berga Ebal. Mank lende oun o morhton his i rashaya tardo, kay o morhton hidjran, – kolla his Levitarya. I tsele menshe his yaake tardo har o Mose, o baro Debleskro boudepaskro, glan i tsiro penas, te venn le tardo ap ko dives, kay vell o Debleskri barht pral lende vi-rakedo.

Josua 8:33 ပူးပေါင်းရင်းမြစ်များ

2. Mose 12:49

Ko lab hi tumenge un kolenge dran wawar themma, kai mashkral tumende djiwenna.”

3. Mose 24:22

Tumenge un kolenge dran i wi-them, kai pash tumende djiwenna, hunte well jek tchatchepen, pal kowa lauter win kerdo well. Me, o baro Dewel, hom tumaro Dewel.

4. Mose 15:15

Kal laba, hoi penenn tumenge, hoi te krenn an kau koowa hi tumenge lauterenge: tumenge, kol Israelitarja, un ninna kol wawar menshenge, kai mank tumende djiwenna. Kol laba atchenna hako tsiro tumare tchawenge, hoi pal tumende wenna: Glan o baro Debleste hi o wi-themari jaake har tumer han.

4. Mose 15:16

I emlige tchatchepaskre laba un o emligo tchatchepen hi tumenge un kolenge, kai hi wi-themarja mank tumende.

4. Mose 15:29

Un jaake hunte well kowa hakeneske, kai anas i doosh ap peste un djinas gar, kai kaja i doosh hi – nai well i Israelitari, nai well i wi-themari, kai mank tumende djiwell.

Johanni 4:20

Mare phure mangan o Debles ap kai berga an. Tumer bibolde penenn menge: Halauter hunte mangenn o Debles an o foro Jerusalem an!”

5. Mose 11:29

Te anell tumen tumaro baro Dewel an ko them, an koleste tumer wenn, te lenn les tumenge dren, palle denn koi bacht win gole ap i berga Garizim, un i bibacht ap i berga Ebal.

5. Mose 31:12

Kote an i tsele menshen khetne, i murshen, i djuwjen un i tchawen, ninna kol wi-themarjen, kai an tumare forja djiwenn. Jon lauter hunte shunenn kal laba, jaake te djinenn le, har te djiwenn le o baro Debleha, kai tumaro Dewel hi, un rikrenn pen mishto ap kal tsele tchatchepaskre laba.

5. Mose 31:25

Pal kowa penas lo ap i Levitarja, ap kolende, kai hidjran o mochton, kai o baro Debleskre deesh laba dren hi:

5. Mose 31:9

O Mose tchinas kal tchatchepaskre laba an i liil, un das les kol phureden pral Israel un kol rashajende dran o kheer Levi, kai o Debleskro mochton hidjran, kai o Debleskre deesh laba dren hi.

Josua 23:2

Kote das lo i tsele pralstunen pral Israel pash peste khetne gole: i phureder, un i pralstune pral i bare familje, i tchatchepangre mursha un wawar pralstune, un penas ap lende: Me wom phuro, un man his i lengsto djipen.

Josua 24:1

Un o Josua mukas menshen dran haki bari familja, kai wan kol deesh-te-dui tchawendar o Jakobestar pash peste an o foro Sichem khetne gole te dell, i phureden, i pralstunen pral i bare familje, i tchatchepangre murshen, un wawar pralstunen. Un jon wan khetne glan o Debleste.

Josua 3:14

Un i menshe djan win dran lengre plachtene khera, te djan le wergel o pani Jordan. Un i rashaja, kai hidjrenn ko mochton, kai o Debleskre deesh laba dren hi, djan lenge glan win.

Josua 3:3

un mukas i menshenge te penell: “Ap ko tsiro, kai dikenn tumer, har hidjrenn i rashaja dran o kheer Levi ko mochton, kai o Debleskre deesh laba dren hi, hoi tumen tumaro baro Dewel das, palle stenn pre, un djan pal o mochton!

Josua 3:6

Un ap i rashajende penas lo: “Hadenn o mochton pre, kai o Debleskre deesh laba dren hi! Un djan glan i menshende glan!” Koi hadan le o mochton pre, un djan i menshenge glan win.

Josua 4:10

Un kol rashaja, kai ko mochton hidjrenn, atchan mashkral an o pani Jordan tardo, bis te halauter kerdo his, hoi o baro Dewel ap o Josua penas, te penell lo kowa i tsele menshenge, jaake har o Mose kowa ap o Josua penas. Un i tsele menshe djan sik wergel.

Josua 4:18

Un har i rashaja kowa kran, un lengre herja ap o them tchiwan, was o pani an o Jordan pale un nashas pale jaake pral i tsele rigja har glan ko tsiro.

Josua 6:6

Un o Josua, koleskro dad o Nun his, das i rashajen pash peste gole, un penas ap lende: “Anenn o mochton, kai o Debleskre deesh laba dren hi! Un efta tumendar hidjrenn hakeno jek phurdepaskri un djan glan ko mochton.”