Josua 8:29 - O Debleskro Drom 2021 (Sinte)

²⁹ Un o baro rajes o forestar Ai mukas lo ap i ruk pre te bladell. Bis ap i rat atchas job ap i ruk. Un har o kham tele djas, penas o Josua, te lenn le ko mules o rukestar tele. Un jon lan les tele un witsran les glan o foreskro baro wudar, un tchiwan bud barra ap leste pre, hoi gomme kau diwes koi hi.

O Debleskro Lab 2024 (Sinte-Manouche)

²⁹ Oun o baro rayes o forestar Ai moukas lo ap i rouk pre te bladell. Bis ap i rat ačas yob ap i rouk. Oun har o kham tele djas, penas o Yosua, te lenn le ko moules o roukestar tele. Oun yon lan les tele oun vitsran les glan o foreskro baro voudar, oun čivan boud barra ap leste pre, hoy gomme kava dives koy hi.

Josua 8:29 ပူးပေါင်းရင်းမြစ်များ

2. Samuel 18:17

Un jon lan o Absalomes un witsran les an o weesh an i bari cheb, un tchiwan bud barra ap leste. Un o Absalomeskre lurde nashan penge, hakeno an peskro kheer.

Ester 7:10

Jaake bladan le o Hamanes ap ko kasht pre, koles job o Mordekajeske mukas pre te tchiwell. Un i choli o baro rajestar djas pale.

Debleskri gili 107:40

Koi mukas lo ladj ap lengre raja te perell, un jon hunte nashan an o mulo them trujel, kote kai kek drom hi.

Debleskri gili 110:5

O baro Dewel hi ap tiri tchatchi rig tardo, un dell bare rajen khetne ap ko diwes, kai leskri choli wella,

Johanni 19:31

His o diwes glan o Debleskro diwes. Ko Debleskro diwes his i baro diwes. Doleske kaman i pralstune bibolde gar, te atchenn i mule ap ko Debleskro diwes ap o trushel. Un jon mangan o Pilatestar, te wenn i herja kolendar phagedo, kai ap o trushel dino wan, te merenn le sikeder. I bibolde kaman, te lenn le len sik tele.

Bičepangre 12:23

Jaake mukas pes o Herodes i menshendar te sharell, har te wals job o Dewel. Un har job kowa kras, das les o Debleskro bolepaskro i nasslepen, te chan i kirme les pre, un job meras.

Josua 10:30

Un o baro Dewel das ninna kolen un lengro baro rajes an o Israeleskro wast. Un i Israelitarja dan len o chareha. Lauteren, kai an ko foro djiwan, dan le mulo, un mukan kekes krik te nashell. Un ko baro rajeha kran le jaake har o baro rajeha pral o foro Jericho.

Josua 10:33

An kau tsiro djas o baro rai pral o foro Geser, o Horam pre, te well lo ap i rig kolendar, kai djiwenn an o foro Lakish. Ninna les un leskre lurden maras o Josua jaake, te nai atchas kek lendar.

Josua 12:9

I bare raja, kolengre themma i Israelitarja penge dren lan, djiwan an kal forja: Jericho un Ai, hoi pash o foro Betel tchiddo hi,

Josua 7:26

Un jon tchiwan bud barra ap lende pre. Kolla hi gomme kau diwes koi. Doleske kharell kai platsa gomme kau diwes ‘Tala Achor’. Kanna his o baro Dewel buder gar chojedo.

Josua 8:23

Kokres o baro rajes pral o foro Ai tapran le djides un anan les pash o Josua.