Josua 7:5 - O Debleskro Drom 2021 (Sinte)

⁵ Un kolla lan len palla pash o foreskro baro wudar, un tradan len kote, kai i berga pral tele djal. Kote dan le 36 (trijanda-te-shob) murshen lendar mulo. Koi wan i djia i tsele menshendar har pani darjatar.

O Debleskro Lab 2024 (Sinte-Manouche)

⁵ Oun kolla lan len palla pash o foreskro baro voudar, oun tradan len kote, kay i berga pral tele djal. Kote dan le 36 (triyanda-te-shob) morshen lendar moulo. Koy van i djia i tsele menshendar har pani daryatar.

Josua 7:5 ပူးပေါင်းရင်းမြစ်များ

Debleskri gili 22:14

Pengre bare muja krenn le pre, un denn bari gole ap mande har i lewo glan peskro chapen.

Debleskri gili 58:7

De lenge i danda dren, miro Dewel! Phage lengre lewengre danda win, miro baro Dewel!

Jesaja 13:7

Doleske hi i menshen buder kek soor, te krenn le tchomone, un daar peras ap lende.

Ezekiel 21:7

Tu, mensho, dik kote, kai o foro Jerusalem hi! Rake kolestar, hoi djal o khereske, kai well o Dewel an-mangedo! Un pen i menshenge an o them Israel, hoi pral lende wella!

3. Mose 26:36

Kolla, kai tumendar pral atchenn an kol wawar themma, kai le pandle hi, kolen krau jaake dareno, te well len daar glan i patri, hoi krik phurdedo well. Lestar nashenn le, har te lals jek len o chareha palla. Un jon perenn, un jek perell pral o wawareste, ninna te hi kek koi, kai len palla las. Un tumen hi kek soor, te kurenn tumen kolentsa, kai ap tumende djan.

Nahum 2:10

Tumer lurde, randenn rup, randenn sonakai! O foro hi pherdo brawlepen, pherdo kutch koowa!

5. Mose 1:44

Un i Amorarja, kai kote djiwan, wan win un djan ap tumende pre, un tradan tumen an o them Seir, har biene jekes palla lenn. Un dan tumen pash o foro Horma.

Josua 2:11

Un har kowa shunam, was bari traash ap mende, un an kekeste mendar atchas i soor, te djal lo pre ap tumende. O baro Dewel hi tumaro Dewel, un hi o Dewel pral an o bolepen un kate tele ap i phub.

Josua 2:9

un penas ap lende: “Me haiwom, te das o baro Dewel tumen kau them. I bari traash glan tumende peras ap mende. Un hakeno, kai kate djiwell, hi har bango darjatar glan tumende.

Josua 5:1

Un i tsele bare raja pral i Amorarja, kai ap koi rig o panjestar Jordan djiwan, kai o kham tele djal, ninna i tsele bare raja pral i Kanaanitarja, kai pash o Baro Pani djiwan, kolla halauter shunan, har las o baro Dewel o pani dran o Jordan krik glan i Israelitarja, bis te jon halauter ap i wawar rig his. Un har jon kowa shunan, was bari traash ap lende, un an kekeste atchas i soor te djal lo pre ap i Israelitarja.