Josua 6:26 - O Debleskro Drom 2021 (Sinte)

²⁶ Ap ko tsiro das pes o Josua sowel: “Mu dell o baro Dewel bibacht ap ko mursheste, koon kau foro pale pre tchiwell. Te tchiwell lo i telstune barra pre, hunte merell leskro phureder tchawo. Te tchiwell lo i bare wudja dren, merell leskro terneder tchawo.”

O Debleskro Lab 2024 (Sinte-Manouche)

²⁶ Ap ko tsiro das pes o Yosua sovel: “Mou dell o baro Devel bibarht ap ko morsheste, koon kava foro pale pre čivell. Te čivell lo i telstoune barra pre, hounte merell leskro phoureder čavo. Te čivell lo i bare voudya dren, merell leskro terneder čavo.”

Josua 6:26 ပူးပေါင်းရင်းမြစ်များ

1. Rajengro liil 16:34

An o emligo tsiro tchiwas i mursh, kai was dran o foro Betel, ko foro Jericho pale pre. Leskro lab his Hijel. Har i telstune barra tchiddo wan, meras peskro phureder tchawo, o Abiram. Un har o foreskre wudja dren kerdo wan, meras leskro terneder tchawo, o Segub. Jaake wan kol laba tchatcho, hoi tchiwas glan bud bersha o baro Dewel o mursheske Josua, an o mui, koleskro dad o Nun his.

1. Rajengro liil 22:16

Kote penas o baro rai ap leste: “Kitse kope dap man sowel, te peness tu mange o tchatchepen an o lab o baro Deblestar!”

2. Rajengro liil 2:4

Un o Elija penas ap leste: “Elisa, atch tu kai, man bitchras o baro Dewel, te djap an Jericho.” Job penas: “Me dau man sowel pash o djido Debleste. Jaake har tchatcho hi, kai tu djiweh, me mukau tut gar kokres.” Un har jon an Jericho wan,

Maleachi 1:4

Te penenn ninna leskre tchawe, kol Edomarja: ‘Ninna te wan mare forja paash dino, mer tchiwah len newes pre’, palle penau me, o baro Dewel, ko rai pral o bolepen un i phub: ‘Ninna te tchiwenn le kol forja pale pre, me dau halauter pale paash.’ Un wawar menshe penenn pral lende ‘tchilatcho them’ un ‘kalla hi menshe, pral kolende o baro Dewel pes choirella an hako tsiro’.

Mateo 26:63

O Jesus penas tchi. Pale penas o baro rashai ap leste: “Glan o djido Dewel, pen menge: Hal tu ko baro rai, kolestar o Dewel penas, te well job? Hal tu o Debleskro tchawo?”

Bičepangre 19:13

Kote his bibolde, kai nashan an o them trujel, un tradan i bengen dran i menshende win. Jon kaman ninna an o Jesuseskro lab kol bengen win te tradell, un jon penan ap lende: “Mer penah tumenge an o lab ko Jesusestar, kolestar o Paulo rakrella: Awenn dran ko mensheste win!”

Josua 16:7

Fun o foro Janoach djas o drom tele pash i forja Atarot un Naara un dureder bis pash o foro Jericho, un fun kotar pash o pani Jordan.