Josua 6:13 - O Debleskro Drom 2021 (Sinte)

¹³ Un kol efta rashaja hidjran kol efta phurdepangre glan o mochton, un phurdan ap lende o tselo tsiro pash o djapen. Un kol feteder kurepangre djan lenge glan win. Un kol wawar lurde djan pal o mochton. Un an ko tselo tsiro phurdan i rashaja an pengre phurdepangre.

O Debleskro Lab 2024 (Sinte-Manouche)

¹³ Oun kol efta rashaya hidjran kol efta phourdepangre glan o morhton, oun phourdan ap lende o tselo tsiro pash o djapen. Oun kol feteder kourepangre djan lenge glan vin. Oun kol vavar lourde djan pal o morhton. Oun an ko tselo tsiro phourdan i rashaya an pengre phourdepangre.

Josua 6:13 ပူးပေါင်းရင်းမြစ်များ

1. Familjakro liil 15:26

Un o Dewel his i Levitarentsa, kai o mochton hidjrenn, kai o baro Debleskre deesh laba dren hi, un lauter djas mishto. Doleske maran le leske efta terne gurma un efta mursh bakre.

4. Mose 10:25

Pal lende djan kol menshe dran o kheer Dan. Lengro pralstuno his o Ahijeser, koleskro dad o Ammishaddai hi. Lentsa djan kol menshe dran o kheer Asser un dran o kheer Naftali. O pralstuno pral o kheer Asser his o Pagijel. Leskro dad hi o Ochran. Un o pralstuno pral o kheer Naftali his o Ahira, koleskro dad o Enan hi.

Mateo 24:13

Kowa, kai atchell soreles tardo an o patsepen, jaake rah, har job djiwella, kowa lell o Debleskro djipen.

Galatarja 6:9

Dikas, te was gar khino, te kras latcho koowa. Well ko tsiro, kai lah ninna latcho koowa.

Josua 6:12

Un sik taissarlakro stas o Josua pre un i rashaja hidjran pale o mochton, kai o baro Debleskre deesh laba dren his.

Josua 6:14

Un ninna ap kau duito diwes djan le jek kopo trul o foro trujel, un wan pale pale ap i platsa, kai sowan le. Un jaake kran le kowa shob diwessa.

Josua 6:4

Un efta rashaja hunte hidjrenn efta phurdepangre un djan glan o mochton, kai o Debleskre deesh laba dren hi. Ap o eftato diwes djan tumer efta kope trul o foro trujel. Un i rashaja phurdenn koi pashel an pengre phurdepangre.

Josua 6:9

Un kol feteder kurepangre djan glan kol rashajende, kai pengre phurdepangre phurdenn. Un kol wawar djan halauter pal o mochton. Un an ko tselo tsiro phurdan i rashaja an pengre phurdepangre.