Josua 3:17 - O Debleskro Drom 2021 (Sinte)

¹⁷ Un i rashaja, kai o mochton hidjrenn, kai o Debleskre deesh laba dren hi, kolla atchan tardo mashkral an o pani Jordan ap i phub, hoi his buder gar sapeno, bis te djan i tsele Israelitarja ap i wawar rig.

O Debleskro Lab 2024 (Sinte-Manouche)

¹⁷ Oun i rashaya, kay o morhton hidjrenn, kay o Debleskre deesh laba dren hi, kolla ačan tardo mashkral an o pani Yordan ap i phoub, hoy his bouder gar sapeno, bis te djan i tsele Israelitarya ap i vavar rig.

Josua 3:17 ပူးပေါင်းရင်းမြစ်များ

2. Rajengro liil 2:8

Koi las o Elija peskri plaashka, tchiwas lat khetne un das koi peha ap o pani. Koi djas o pani ap dui rigja, jaake kai kol dui ap truk phub wergel djan.

Debleskri gili 66:6

Dran o baro pani kras job i truk phub. Jon nai djan mashkral ap i wawar rig. Pral kowa giwam i bachtjatar.

2. Mose 14:21

Un o Mose hadas peskro wast pral o baro pani. Un o baro Dewel mukas i baro sorelo ducho pral o pani te phurdell, hoi was kotar, kai o kham pre djal. Ko ducho phurdas i tseli rat. Un o baro pani djas pale. Kote, kai pani his, hi kanna phub, hoi gar sapenes hi. Un o baro pani kras pes pre, te was i drom.

2. Mose 14:22

Koi djan i tsele Israelitarja mashkral o baro pani ap i drom, hoi gar sapenes hi. Un o pani his tardo ap i tchatchi rig, ninna ap i serwi rig lendar, har bare barra trul i foro tardo hi.

2. Mose 14:29

Jaake djan i Israelitarja mashkral o baro pani ap i wawar rig. Jon djan ap i drom, hoi gar sapenes hi. Un o pani his tardo ap i tchatchi rig, ninna ap i serwi rig lendar, har bare barra, hoi trul i foro tardo hi.

Jesaja 25:8

O merepen lell lo krik hako tsireske. O baro Dewel, maro rai, khossell palle hakeneske i swa tele. Un koi ladj, hoi ap peskre menshende tchiddo hi an hake themma, lell lo lendar krik. Kowa penas o baro Dewel.

4. Mose 33:51

“Rake kol Israelentsa un pen lenge: Ap ko tsiro, kai djan tumer pral o pani Jordan an o them Kanaan,

Hebrearja 11:29

I tsiro koi pre djan le mashkral o baro pani, hoi kharella Lolo Pani, har te djans le ap o drom. Kowa nai kran le doleske, kai patsan le, hoi o Dewel lenge penas. I Egiptarja kaman ninna mashkral o baro pani te djal, un jon tassan.

Josua 4:1

Un har i tsele menshe ap i wawar rig o panjestar Jordan his, koi penas o baro Dewel ap o Josua:

Josua 4:10

Un kol rashaja, kai ko mochton hidjrenn, atchan mashkral an o pani Jordan tardo, bis te halauter kerdo his, hoi o baro Dewel ap o Josua penas, te penell lo kowa i tsele menshenge, jaake har o Mose kowa ap o Josua penas. Un i tsele menshe djan sik wergel.

Josua 4:11

Un har i tsele Israelitarja ap i wawar rig his, koi djan ninna kol rashaja ap i wawar rig, kai hidjrenn ko mochton, kai i laba o baro Deblestar dren hi. Un jon djan glan i menshende.

Josua 4:22

Palle penenn tumer lenge: ‘Har i Israelitarja mashkral o pani Jordan djan, wan lengre herja gar sapenes.

Josua 4:3

un penenn lenge: Hadenn tumenge deesh-te-dui barra pre mashkral dran o Jordan, kote kai i rashajengre herja tardo his. Un lenn len tumentsa un tchiwenn len ap koi platsa, kai atchenn kai rat!”

Josua 5:1

Un i tsele bare raja pral i Amorarja, kai ap koi rig o panjestar Jordan djiwan, kai o kham tele djal, ninna i tsele bare raja pral i Kanaanitarja, kai pash o Baro Pani djiwan, kolla halauter shunan, har las o baro Dewel o pani dran o Jordan krik glan i Israelitarja, bis te jon halauter ap i wawar rig his. Un har jon kowa shunan, was bari traash ap lende, un an kekeste atchas i soor te djal lo pre ap i Israelitarja.