Josua 24:31 - O Debleskro Drom 2021 (Sinte)

³¹ Un i Israelitarja mangan o baro Debles an, jaake rah har o Josua djiwas, un jaake rah, har pal leste kol phureder djiwan, kai ko tselo koowa dikan, hoi o baro Dewel i Israelenge kras.

O Debleskro Lab 2024 (Sinte-Manouche)

³¹ Oun i Israelitarya mangan o baro Debles an, yaake rah har o Yosua djivas, oun yaake rah, har pal leste kol phoureder djivan, kay ko tselo koova dikan, hoy o baro Devel i Israelenge kras.

Josua 24:31 ပူးပေါင်းရင်းမြစ်များ

1. Mose 14:10

An i tala Siddim his bud chebja an i phub, kai pherdo teera his. I raja pral i forja Sodom un Gomorra pengre lurdentsa hunte nashan penge. Un bud peran an kol chebja. Un kol wawar, kai pral atchan, nashan an i berge.

2. Familjakro liil 24:2

Un o Joash kras, hoi glan o baro Debleskre jaka mishto hi jaake rah, har o rashai Jojada djiwas.

2. Familjakro liil 34:33

Un o Josia witsras i tsele djungele chochene deblen dran o tselo them win, kai i Israelitarja djiwan, un kras, te mangan le halauter o baro Debles an, kai lengro Dewel hi. Jaake rah, har o Josia djiwas, mukan le gar o baro Debles, ko Debles, koles ninna lengre phure an-mangan.

Bičepangre 20:29

Me djinau, te hom me gar buder koi, wenn diwje djukle pash tumende un marenn bud tumendar.

5. Mose 11:2

Un lenn kau diwes an o dji, hoi sikras o baro Dewel tumende, un gar tumare tchawende. Kolla djinenn kowa gar. Jon dikan les gar. Tumer han, kai dikan leskro railepen un hoi lo tumenge kras peskri sorelo wasteha un pre-hadedi mussjah.

5. Mose 11:7

Tumer dikan tumare jakentsa ko tselo baro kowa, hoi o baro Dewel kras.

5. Mose 31:13

Ninna lengre tchawe, kai djinenn les gomme gar, hunte shunenn kowa, te dikenn le, har te djiwenn le o baro Debleha, kai tumaro Dewel hi. Kowa te well o tselo tsiro, har djiwenn tumer an ko them, an koleste tumer pral o Jordan wergel dren djan, te lenn les tumenge dren.”

5. Mose 31:29

Me djinau, pal miro merepen dukrenn tumer o baro Debles, un djan ko dromestar tele, hoi tumende sikrom. Tumer krenn, hoi tchilatcho hi glan o baro Debleskre jaka, un mangenn wawar deblen an, un choirenn les koleha. Doleske well bari bibacht pral tumende.”

Filiparja 2:12

Mire kamle phrala un phenja, tumer shunan hako tsiro ap kowa, hoi me tumenge penom, har pash tumende homs, ninna kanna, kai gar pash tumende hom. Me penau tumenge: Krenn lauter, te atchenn ap o Debleskro drom, bis te han pash leste! Shunenn ap o Debleste, un trashenn lestar!

Čačepangre 2:10

Palle meran ninna kol tsele wawar menshe, kai an kau tsiro djiwan, har o Josua djiwas. Un pal lende wan menshe, kai o baro Debles gar prindjran, witar gar kowa, hoi job i Israelenge kras.

Čačepangre 2:6

Un o Josua penas ap i menshenge, te nai djan le penge. Un i Israelitarja djan penge, hakeno an ko kotar them, hoi les dino was, te lell lo ko them dren.

Čačepangre 2:7

Un jon mangan o baro Debles an, jaake rah har o Josua djiwas, un jaake rah, har pal leste kol phureder djiwan, kai ko tselo baro koowa dikan, hoi o baro Dewel i Israelenge kras.