Josua 24:28 - O Debleskro Drom 2021 (Sinte)

²⁸ Un o Josua mukas i tsele menshen khere te djal, hakenes an ko them, hoi les dino was.

O Debleskro Lab 2024 (Sinte-Manouche)

²⁸ Oun o Yosua moukas i tsele menshen khere te djal, hakenes an ko them, hoy les dino vas.

Josua 24:28 ပူးပေါင်းရင်းမြစ်များ

Nehemia 11:20

Un i tsele wawar Israelitarja, kol rashaja un i Levitarja atchan an o wawar forja an o them Juda, hakeno ap peskro kotar phub.

4. Mose 36:7

Kek them te perell koi jek bari familjatar ap i wawar familjate. Hako Israelitari rikrell ap peskro kotar them an o them kol menshendar peskro dadestar.

4. Mose 36:9

Jaake djal kek kotar them kol jek menshendar ap i wawarende. Hakeno kol 12 bare familjendar an Israel hunte rikrell soreles peskro them.

Josua 22:6

Un o Josua rakras o Debleskri bacht pral lende win, un penas: “Atchenn o Debleha.” Un jon djan khere.

Josua 24:27

Un o Josua penas ap i tsele menshende: “Dikenn kau bar! Kawa shunas hako lab, hoi o baro Dewel mentsa rakras. Kau bar hi kate tardo, te dell lo tumen trad, te mukenn gar tumaro Debles.”

Josua 24:29

Un pal kowa meras o baro Debleskro budepaskro, o Josua, koleskro dad o Nun his. O Josua was 110 (jek-sheel-deesh) bersha.

Čačepangre 2:6

Un o Josua penas ap i menshenge, te nai djan le penge. Un i Israelitarja djan penge, hakeno an ko kotar them, hoi les dino was, te lell lo ko them dren.