Josua 24:13 - O Debleskro Drom 2021 (Sinte)

¹³ Un me dom tumen i them, koleske tumer tumen gar tele maran, un forja, hoi tumer gar pre tchiwan. Kanna djiwenn tumer an kal forja un chan kol drake fun i drakengre ruka un djeteskre ruka, hoi tumer gar an i phub tchiwan.”

O Debleskro Lab 2024 (Sinte-Manouche)

¹³ Oun me dom t'men i them, koleske t'mer t'men gar tele maran, oun forya, hoy t'mer gar pre čivan. Kanna djivenn t'mer an kal forya oun rhan kol drake foun i drakengre rouka oun djeteskre rouka, hoy t'mer gar an i phoub čivan.”

Josua 24:13 ပူးပေါင်းရင်းမြစ်များ

2. Mose 6:8

Palle anau me tumen an ko them, koleske me miro wast dom, un man sowel dom, te dau les o Abrahameste un o Isaakeste un o Jakobeste. Kau them dau me tumende, te well lo tumaro them. Me, o baro Dewel, dau les tumende.’”

Gosewe laba 13:22

Kowa, hoi i latcho mursh pale mukell, well dureder dino leskre tchawende un tchawengre tchawende. O brawlepen kolestar, kai an o tchilatchepen djiwas, lell kowa, kai an o tchatchepen tardo hi.

5. Mose 19:1

Ap ko tsiro, kai tradas tumaro baro Dewel kol wawar menshen win dran ko them, hoi lo tumende dell, un tumer lan ko them dren, un djiwenn an lengre forja un an lengre khera, palle hunte rodenn tumenge triin forja win, kai nai djan kolla dren, kai naashepangre hi.

5. Mose 8:7

Tumaro baro Dewel anell tumen an i latcho them. An kau them nashenna panja, hoi wenn win dran i phub, un nashenn i berge tele an i telstuno them.

Josua 11:13

Kal forja his tardo ap tikne berge, un i Israelitarja chatchran len gar pre. O foro Hazor kokres chatchras o Josua pre.

Josua 21:45

Un jaake was halauter jaake, har o baro Dewel ap o kheer Israel penas. Job rikras peskre tsele latche laba, hoi lo lenge penas.