Josua 23:3 - O Debleskro Drom 2021 (Sinte)

³ Un tumer dikan halauter, hoi tumaro baro Dewel kol tsele thementsa kras tumenge. Job hi kowa, kai pes tumenge lentsa kuras.

O Debleskro Lab 2024 (Sinte-Manouche)

³ Oun t'mer dikan halauter, hoy t'maro baro Devel kol tsele thementsa kras t'menge. Yob hi kova, kay pes t'menge lentsa kouras.

Josua 23:3 ပူးပေါင်းရင်းမြစ်များ

2. Mose 14:14

O baro Dewel kurell pes tumenge. Tumer hunte krenn tchi.”

2. Mose 19:4

‘Tumer dikan, hoi me halauter ap kol Egiptarja krom, un har anom tumen pash mande jaake har i baro tchirklo hidjrell peskre tchawen ap peskro dumo.

Ezekiel 20:28

Har me len an o them anom, kolestar man sowel dom, te dap les lende, mangan le wawar deblen an. Hako kopo, kai dikan le i tikni berga oder i baro ruk bud patjentsa, chatchran le viechen i chochene deblenge, un kran man chojedo koleha, hoi le lenge anan. Jon chatchran sungepaskro koowa lenge, un tchoran mool win lenge.

Maleachi 1:5

Ko tsiro wella sik, kai dikenn kowa tumare jakentsa, un palle penenn tumer: ‘O baro Dewel hi sorelo pral o them Israel un dureder win.’”

5. Mose 1:30

Tumaro baro Dewel djal glan tumende win un kurell pes tumenge, jaake har lo glan tumare jaka an o them Egiptia tumenge kras.

5. Mose 20:4

Tumaro baro Dewel hi kowa, kai djal tumentsa un kurell pes tumenge lentsa. Job hi ap tumari rig.”

5. Mose 4:9

Denn soreles jak ap tumende, te bistrenn gar – jaake rah har djiwenn, – hoi tumare jakentsa dikan! Un penenn tumare tchawenge un lengre tchawenge,

5. Mose 7:17

Te penenn tumer an tumare djia: “Kal natsjone hi bareder har mer, har nai tradas mer len win?”

5. Mose 7:24

Un job dell tumen lengre bare rajen an o wast. Un tumer marenn len, un lengre laba wenn bistedo. Kek nai well sorleder har tumer. Tumer marenn len halauter.

Josua 10:14

Un sawo diwes har kowa diwes das gar glan ko diwes un ninna buder gar pal ko diwes, kai shunas o baro Dewel jaake ap o rakepen jek menshestar. O baro Dewel kras kowa i menshenge Israel!

Josua 10:42

Un o Israeleskro baro Dewel his ap lengre rig. Jaake las o Josua kol tsele bare rajen un lengre themma ap jek kopo dren.

Josua 23:10

Jek mursh tumendar tradell jek-sero murshen. Tumaro baro Dewel, job hi kowa, kai kurell pes tumenge lentsa, jaake har lo penas.