Josua 22:25 - O Debleskro Drom 2021 (Sinte)

²⁵ O baro Dewel tchiwas o pani Jordan mashkral tumende un mende, hoi sikrell, tumer dran i khera Ruben un Gad han gar khetne mentsa an jek them, un o baro Dewel hi gar tumaro Dewel.’ Un jaake krans tumare tchawe, te mangenn mare tchawe buder gar o baro Debles an.

O Debleskro Lab 2024 (Sinte-Manouche)

²⁵ O baro Devel čivas o pani Yordan mashkral t'mende oun mende, hoy sikrell, t'mer dran i khera Ruben oun Gad han gar khetne mentsa an yek them, oun o baro Devel hi gar t'maro Devel. Oun yaake krans t'mare čave, te mangenn mare čave bouder gar o baro Debles an.

Josua 22:25 ပူးပေါင်းရင်းမြစ်များ

2. Samuel 20:1

Kowa his jaake, kai koi an Gilgal i mursh his, kai tchi-moldo his. Leskro lab his Sheba. Leskro dad his o Bikri i menshendar Benjamin. O Sheba phurdas an i phurdepaskri un penas: “Tumer mursha dran Israel! O David hi gar mare menshendar. Men hi tchi te krell o Isajeskro tchaweha. Hakeno tumendar te djal an peskro kheer!”

1. Rajengro liil 12:16

Har i tsele Israelitarja dikan, kai kamas o baro rai gar ap lende te shunell, dan le gole: “Hoi djal men o David an un leskri familja! Hoi kran le menge? Mu dikenn le kokres pal lengro kheer! Nashas khere, mer dran Israel!” Kowa penan le, un hakeno djas pash peskro kheer.

1. Rajengro liil 14:16

Dran o tchilatchepen, hoi o Jerobeam kras, mukell o baro Dewel i Israelitarjen. O Jerobeam djas o baro Debleskro dromestar tele, un kras, te djan i Israelitarja ninna o baro Debleskro dromestar tele.”

1. Rajengro liil 15:30

Kowa his i phagi koleske, hoi o Jerobeam kras, har djas lo o baro Debleskro dromestar tele, un kras, te djan ninna i Israelitarja ap i tchilatcho drom. Doleske was o baro Dewel, kai o Israeleskro Dewel hi, jaake chojedo pral leste.

Nehemia 2:20

Kote penom me ap lende: “O Dewel an o bolepen, job krell, te djal menge kawa mishto. Un mer, leskre budepangre, kram men ap i budi, te tchiwas o foro pale pre. Tumen hi kek tchatchepen ap ko foro, witar kek penepaske. Un tumare laba hi gar mank kolende, kai wenn gar bistedo.”

Debleskri gili 16:5

Tu, baro Dewel, hal miro brawlepen, un deh man lauter, hoi man hunte well djipaske. Miro tselo djipen hi an tiro wast.

Bičepangre 8:21

Kau koowa, hoi mer krah, hi o Debleskro koowa un gar tiro koowa. Tiro dji hi gar tchatcho glan o Debleste.

Josua 22:24

O tchatchepen hi: Men his daar an o dji, har menge penam: An ko tsiro hoi wella, nai penens tumare tchawe ap mare tchawende: ‘Hoi hi tumen o baro Debleha, o Debleha pral Israel?

Josua 22:26

Doleske penam, mer krah i altaro, gar te chatchras viechen pre, un chas kote khetne glan o Debleste,

Josua 22:27

na-a, kau altaro te well i sikepen, hoi sikrell mende un tumende un mare tchawende, kai pal mende wenna, te nai wah mer glan o baro Debleskro kheer, te anas leske djob un viechen, sawe, hoi wenn leske chatchedo un sawe, hoi chah glan leste. Mer kamah gar, te penenn tumare tchawe an ko tsiro, hoi wella, ap mare tchawende: ‘Tumer han gar o baro Debleskre menshe.’

1. Samuel 26:19

Un kanna, miro rai un pralstuno, shun ap i laba, hoi me, tiro budepaskro, rakrau. Te anas o baro Dewel tut ap mande pre, palle well leske i chapen chatchedo, te djal leskri choli krik. Te anan tut menshe ap mande pre, mu well o Debleskri bibacht ap lende! Jon tradenn man win dran o baro Debleskro them. Kowa hi jaake har te penans le: ‘Dja an i wawar them, un mange wawar deblen an!’