Josua 22:24 - O Debleskro Drom 2021 (Sinte)

²⁴ O tchatchepen hi: Men his daar an o dji, har menge penam: An ko tsiro hoi wella, nai penens tumare tchawe ap mare tchawende: ‘Hoi hi tumen o baro Debleha, o Debleha pral Israel?

O Debleskro Lab 2024 (Sinte-Manouche)

²⁴ O čačepen hi: Men his daar an o dji, har menge penam: An ko tsiro hoy vella, nay penens t'mare čave ap mare čavende: Hoy hi t'men o baro Debleha, o Debleha pral Israel?

Josua 22:24 ပူးပေါင်းရင်းမြစ်များ

1. Mose 18:19

Me rodom les mange win, te penell lo peskre tchawenge un kolenge, kai pal leste wenna, te rikrenn pen le ap miro drom un krenn, hoi mishto un tchatcho hi, te nai mukap me halauter ap o Abrahameste te well, hoi me leske penom.”

1. Mose 30:33

Hake busja, kai hi len kek parne balla, hi tire, ninna hake parne bakre. Te chochau tut, dikeh tu kowa sik an ko tsiro, kai wella. Te hatseh tu mank mire viechende busja, kai hi len kek parne balla, ninna parne bakre, kolla hi, har te tchoroms len tutar.”

2. Mose 13:14

An ko tsiro, hoi wella, te putchenn tutar tire tchawe: ‘Hoske kreh tu kowa?’ palle peness tu ap lende: ‘O baro Dewel las men i sorelo wasteha win dran o them Egiptia, kai hunte budram tel dawa.

5. Mose 6:20

Te well ko tsiro, kai putchell tut tiro tchawo: Hoske hunte rikras kol laba, hoi sikrenn, har te djiwas, un hoi maro baro Dewel mendar kamell, un hunte djiwas pal leskre tchatchepaskre laba?

Josua 22:23

Kau altaro kram mer gar, te rissras men o baro Deblestar tele. Mer kamam ap leste kek viechen un kek djob leske te chatchrell, witar kek mass sawe viechendar, hoi chah khetne glan leste. Te kram kau altaro koleske, palle dell o baro Dewel men i phagi koleske.

Josua 22:25

O baro Dewel tchiwas o pani Jordan mashkral tumende un mende, hoi sikrell, tumer dran i khera Ruben un Gad han gar khetne mentsa an jek them, un o baro Dewel hi gar tumaro Dewel.’ Un jaake krans tumare tchawe, te mangenn mare tchawe buder gar o baro Debles an.

Josua 4:6

Un kol barra te wenn i sikepen tumenge. Te well ko tsiro, kai putchenn tumare tchawe: ‘Hoske hi kal barra kai?’