Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Josua 22:15 - O Debleskro Drom 2021 (Sinte)

15 Un har wan le an o them Gilead, penan le ap lende:

အခန်းကိုကြည့်ပါ။ ကော်ပီ

O Debleskro Lab 2024 (Sinte-Manouche)

15 Oun har van le an o them Gilead, penan le ap lende:

အခန်းကိုကြည့်ပါ။ ကော်ပီ




Josua 22:15
31 ပူးပေါင်းရင်းမြစ်များ  

O Joab penas ap leste: “Miro baro rai, kamau o djijestar, te dell tut o baro Dewel sheel kope jaake bud menshen koi pashel, har kai hi. Jon halauter kamenn tuke koi te well un rikrenn ap tute. Hoske kameh tu, miro rai, sawo koowa te krell un djinell, har bud kolla hi? Hoske kameh te aness i doosh ap Israel?”


Jaake peras o Israel tele o Davideskre tchawendar, un kowa hi jaake bis ap kau diwes.


Un ko tsirestar, kai o Amazja mukas o baro Debles, kran pen murshen khetne an o foro Jerusalem, te marenn le les. Job nashas peske an o foro Lakish. Un jon bitchran murshen leske palla an o foro Lakish un maran les kote.


Un jon stakran o baro rajeske Usija an o drom un penan ap leste: Usija, hi gar tiri budi, te chatchess o baro Debleske sungepaskro koowa. Kokres o Aroneskre tchawe hi i rashaja, kai wi-rodede hi, te chatchenn le sungepaskro koowa. Dja win dran o Debleskri isema! Tu kreh, hoi gar mishto hi glan o baro Debleste. Job, kai tiro Dewel hi, sharell tut gar koleske.


Un jon penan ap lende: “Ma anenn kol pandlen kate pash mende! Te krenn kowa, anenn tumer i doosh pral mende glan o baro Debleste, un krenn, te well mari doosh gomme bareder har li hi. Doha doosh anam pral mende. Un o baro Debles hi i bari soreli choli ap Israel.”


Baro Dewel, tu o Israeleskro Dewel, hal an o tchatchepen tardo un lal men, kai pral atcham, win dran o merepen, jaake har kau diwes hi. Dik, kate ham glan tute an mari doosh, un djinah, mer nai atchah gar tardo glan tute!”


Jon lan kolengre djuwjen penge un pengre mursh tchawenge ninna. Un jaake hi mank o Debleskre menshende sawe, kai gar lendar hi. I pralstune un i tchatchepangre mursha his i erste, kai kowa kran, un peran o Deblestar tele.”


jaake te wenn le gar har pengre phure, kai o Debleskro dromestar tele peran, un kaman gar te shunell. Kolengre djia his gar sorelo, un jon his gar pengro tselo djijeha pash o Debleste.


Sik djan le ko dromestar tele, kai me sikrom lende. Jon kran penge i dewel, – i terno gurum, – un mangan les an, maran viechen leske un penan: ‘Kawa hi tiro Dewel, Israel, kowa, kai anas tut dran o them Egiptia win.’”


Ninna te his lo lenge jaake latches, kaman le gar ap leste te shunell, un dukran les an leskro dji. Kote was lo chojedo ap lende, un kuras pes lentsa.


Palle penenn jon, te his lengri doosh un i doosh lengre phurendar, te rikran le gar ap mande un sikran mange o dumo.


Jaake hunte krell kowa, kai kras i tchilatchepen ap o baro Debleste, te well leskri doosh pale mishto.


Kol Amalekarja un kol Kanaanitarja hi koi wergel tardo glan tumende, un tumer wenn mulo dino o chareha. Tumer djan o baro Deblestar krik. Doleske hi lo gar tumentsa.”


Te djan tumer lestar krik, mukell job kal menshen i rah tsiro an o mulo tato them, un tumen hi doosh, te djan le halauter tele.”


Pen ap i Israelitarja: Hakeno, mursh har djuwel, kai krell tchilatchepen ap jekeste, un jaake ninna ap o baro Debleste, kowa anell i doosh ap peste.


Te shunell lo kau kopo witar gar ap tumende, palle pen les i patslenge an i kangri. Un te shunell lo gar ap kolende, palle well lo tumenge har i mursh, kai prindjrell o Debles gar un har i pale-tchiddo.


Mire phrala, me shunom, kai hi tchingepen mashkral tumende. Kowa penan mange kolla dran i familja koi djuwjatar Kloe. Kanna mangau tumen an o lab maro rajestar, o Jesus Kristestar: Ma tchingrenn tumen buder! Atchenn khetne un rikrenn khetne an kowa, hoi tumer krenna un patsenna!


Te han tumer lauter khetne an o lab maro rajestar, o Jesusestar, un me hom miro djijeha pash tumende, palle krenn kowa jaake: An i soor maro rajestar, o Jesusestar, denn ko murshes an o bengeskre wasta,


Te krenn tumer gar, hoi tumaro baro Dewel tumendar kamell, un shunenn gar ap leskre laba, un mukenn tumen tele te anell leskro dromestar, un mangenn wawar deblen an,


Kol tcha anens tumare mursh tchawen o baro Debleskro dromestar tele, jaake te mangens le wawar deblen an. Palle wals o baro Debleskri choli pral tumende, un sik marals job tumen.


Denn jak, te shunenn ap o Debleste, kai ap tumende rakrella! Har job ap i phub ap i phure Israelitarja rakras, kaman le gar ap leste te shunell, un leskri choli was pral lende. Kitse budeder well o Debleskri choli pral mende, te shunah gar ap leste, kai dran o bolepen rakrella.


Un har le kowa shunan, wan le halauter khetne an o foro Shilo, te djan le win, te kurenn le pen lentsa.


Un khetne leha djan deesh pralstune, dran hako baro kheer jek. Hakeno lendar his i pralstuno pral peskri familja.


O baro Debleskre tsele menshe mukenn tumenge te penell: “Hawo tchilatcho koowa kran tumer ap o Israeleskro Debleste! Hoske mukan o baro Debles, un kran tumenge i altaro? Koleha perenn o baro Deblestar tele!


Un tumer rissrenn tumen kau diwes o baro Deblestar tele. Dikenn tumer gar, hoi wella? Kau diwes hadenn tumen pral o baro Debleste. Un taissar well leskri choli pral i tsele menshende Israel.


Te shuneh tu gar ap leste, leh tu doosh ap tute, har te durkrals tu. Te kreh tu gar, hoi o Dewel tutar kamella, hi kowa jaake tchilatcho, har te mangals khereskre deblen un wawar chochene deblen an. Tu witsral o lab o baro Deblestar ap i rig. Doleske witsras lo tut ninna ap i rig, jaake te wess tu buder kek baro rai.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ