Josua 21:43 - O Debleskro Drom 2021 (Sinte)

⁴³ Un jaake das o baro Dewel i Israelende o tselo them, har das lo pes glan lengre phurende sowel, te krell lo kowa. Un jon lan o them penge dren un djiwan koi.

O Debleskro Lab 2024 (Sinte-Manouche)

⁴³ Oun yaake das o baro Devel i Israelende o tselo them, har das lo pes glan lengre phourende sovel, te krell lo kova. Oun yon lan o them penge dren oun djivan koy.

Josua 21:43 ပူးပေါင်းရင်းမြစ်များ

1. Mose 12:7

Un o baro Dewel mukas pes o Abramestar te dikell, un penas ap leste: “Tire tchawen un kolengre tchawen un lauteren, kai pal tute wenna, kolen kamau kau them te dell.” Koi kras o Abram i chatchepaskri o baro Debleske, kai wenn vieche leske chatchedo – kote, kai o Dewel mukas pes lestar te dikell.

1. Mose 13:15

Ko tselo them, hoi dikeh, kowa dau tut un tire tchawen, kai pal tute wenna. Ko them hi tumaro hako tsiro.

1. Mose 28:4

Koi bacht un koi soor, hoi o Dewel tchiwas ap o Abrahameste, mu well ap tute un ap tire menshende! Tu leh kau them, kai tu kanna i wi-themari hal – ko them, hoi o Dewel o Abrahameste das.”

2. Familjakro liil 20:8

Un jon djiwan an kau them un kran tuke i kheer, te djiwess kate un wess kate an-mangedo. Jon penan:

Nehemia 9:24

Un i tchawe wan an ko them un lan les dren. Un tu kral len sorleder har i Kanaanitarja, kolla, kai an ko them djiwan, un dal lengre bare rajen un ninna i menshen an lengro wast, un jon nai kran lentsa, hoi jon kaman.

Nehemia 9:8

Un har dikal, te rikrell lo pes ap tute peskro tselo djijeha, kral tu leha win un dal tu tiro lab, te dess leskre tchawende un kolengre tchawende, kai pal lende wenn, ko them, kai djiwenn i Kanaanitarja, un i Hetarja, un i Amorarja, un i Perisarja, un i Jebusarja, un i Girgasharja. Un tu rikral tiro lab. Tu hal tardo an o tchatchepen.

Debleskri gili 105:8

An kek tsiro bistrell lo peskri sowel, hoi lo mentsa dren djas. Peskro lab, hoi das lo, atchella jaake rah har menshe ap i phub djiwenna.

Debleskri gili 44:3

Tu tradal tiro wasteha i wawar menshen win dran lengro them, un dal ko them mare phurende. Kol wawar menshen dal tu paash, te nai djiwan mare phure an ko them.

Debleskri gili 78:55

Job tradas i tsele wawar menshen glan lende win, un das lengro them peskre menshende, hakeneste kol deesh-te-dui bare familjendar das lo lengro kotar, te well ko them lengro. An i plachtene khera kol wawar menshendar mukas lo i Israelitarjen te djiwell.

2. Mose 3:8

Me wom tele, te lap len dran o wast kol menshendar an o them Egiptia win, un anau len dran kau them win un dau len i latcho un baro them, kai hi bud thud un gwin. An ko them djiwenn kanna i Kanaanitarja, i Hetarja, i Amorarja, i Perisarja, i Hiwarja un i Jebusarja.

Jeremia 32:23

Un har jon an o them dren wan, un les penge lan, shunan jon gar ap tute, djan witar gar ap tiro drom. Un halauter, hoi tu lenge soreles penal, te krenn le les, kowa kran jon gar. Doleske mukal ninna kau tseli bibacht pral lende te well:

4. Mose 33:53

Un lenn ko them tumenge, un djiwenn kote dren. Kau them dom me tumende, te lenn kowa tumenge.

4. Mose 34:2

Pen ap kol Israelitarja: Djan an o them Kanaan! Ko them well tumenge jek rigjatar ap i wawar: Kolla hi i rigja:

5. Mose 11:31

Tumer djan tchatchepah pral o Jordan, un wenn an ko them dren, te lenn les tumenge dren. Kau them das tumen tumaro baro Dewel, te lenn les tumenge dren un djiwenn koi.

5. Mose 12:29

Tumaro baro Dewel tradell i wawar menshen glan tumende win dran o them, kai tumer wenna. Un tumer lenn lengro them tumenge dren un djiwenn kote.

5. Mose 17:14

Te wenn tumer an ko them, hoi dell tumen tumaro baro Dewel, un tumer lenn les dren, un djiwenn koi dren, un penenn palle: Mer kamah i rai pral mende, jaake har pash kol menshende an i wawar themma trul mende ninna hi,

5. Mose 34:4

Un o baro Dewel penas ap leste: “Kawa hi o them, kolestar penom un me man sowel dom glan o Abraham, o Isaak un o Jakob, te dap kau them lengre tchawende, kai pal lende wenna. Me mukom les tut tire jakentsa te dikell. Pral wergel djas tu gar.”

Josua 1:6

Ab soreles un ma traash! Tu dess kal menshen pengro them, kai me man sowel dom glan lengre phurende, te dap len kowa!

Josua 21:42

Un hako fores his peskri phub trul peste, kai i vieche nai chan. Un jaake his kowa pash kol tsele forja.

Čačepangre 11:24

Hi gar jaake? Te tradals tiro Dewel, o Kemosh, wawar menshen dran lengro them win, lals tu palle gar kolengro them dren? Muk men ko them dren te lell kolendar, kai maro baro Dewel glan mende win tradas!

1. Samuel 12:8

Har o Jakob an o them Egiptia was, un i Egiptarja tumare phurenge o djipen phares kran, dan jon gole ap o baro Debleste, te well lo ap lengri rig. Un o baro Dewel bitchras o Moses un o Arones. Un jon anan tumare phuren dran o them Egiptia win, un mukan len kate an kau them te djiwell.