Josua 21:4 - O Debleskro Drom 2021 (Sinte)

⁴ Un jon witsran barra, hoi sikran, koon hawe forja lella. Un i barra peran glanstunes ap kol Levitarja dran o kheer Kohat, kai wan o rashajestar Aron. Un lenge wan an o them Juda un Simeon un Benjamin 13 (deesh-te-triin) forja dino, jaake har i barra peran.

O Debleskro Lab 2024 (Sinte-Manouche)

⁴ Oun yon vitsran barra, hoy sikran, koon have forya lella. Oun i barra peran glanstounes ap kol Levitarya dran o kheer Kohat, kay van o rashayestar Aron. Oun lenge van an o them Youda oun Simeon oun Benyamin 13 (deesh-te-triin) forya dino, yaake har i barra peran.

Josua 21:4 ပူးပေါင်းရင်းမြစ်များ

1. Familjakro liil 6:39

Un kalla his lengre forja un gaba, kai tchiwan o Aroneskre menshe pengre plachtene khera pre. Kolla his dran o kheer Kohat. Har i Israelitarja tikne barra tchiwan, te hatsenn le win, koon hawe gaba lell, his i Kohatarja i glanstune, kai lan pengre gaba.

2. Mose 6:16

O Levi his i wawar Israeleskro tchawo. Leskre tchawe hi: o Gershon, o Kohat un o Merari. Kolendar wan i Levitarja. Un o Levi was 137 (sheel-te-trijanda-te-efta) bersha phuro.

2. Mose 6:20

Un o Amram las peske i romni, i Jochebed, i pheen leskro dadestar. Un koja las dui tchawe: o Aron un o Mose. Un o Amram was 137 (sheel-te-trijanda-te-efta) bersha phuro.

4. Mose 3:27

I menshe, hoi wenna o Leviteskro tchawestar Kohat hi i Amramarja, i Jizhararja, i Hebronarja, un i Usijelarja.

Josua 21:3

Kote dan i Israelitarja i Levitarjen forja un kotja phub i viechenge ko themestar, hoi lenge dino was, jaake har o baro Dewel penas, te krenn le kowa.

Josua 21:5

Un kol wawar familje, hoi wan dran o kheer Kohat, lan an i themma Efrajim, Dan un Manasse, deesh forja, jaake har i barra peran.

Josua 24:33

Ninna o Eleasar, koleskro dad o Aron his, meras un was paskedo an o foro Gibea. Kowa his ko foro, hoi leskro tchaweske, o Pinhas, dino was ap i berge Efrajim.