Josua 21:38 - O Debleskro Drom 2021 (Sinte)

³⁸ Un an o them Gad lan le star forja: Ramot an o them Gilead, kau foro hi ninna i foro, kai kolla nai nashenn, kai jekes temerl dan, un koi phub trul o foro, kai i vieche nai chan; Mahanajim un koi phub trul o foro, kai i vieche nai chan;

O Debleskro Lab 2024 (Sinte-Manouche)

³⁸ Oun an o them Gad lan le star forya: Ramot an o them Gilead, kava foro hi ninna i foro, kay kolla nay nashenn, kay yekes temerl dan, oun koy phoub troul o foro, kay i firhe nay rhan; Mahanayim oun koy phoub troul o foro, kay i firhe nay rhan;

Josua 21:38 ပူးပေါင်းရင်းမြစ်များ

1. Mose 32:2

Un o Jakob djas dureder. Un o Debleskre bolepangre tapran les ap o drom.

2. Samuel 17:24

Un o David was an o foro Mahanajim. O Absalom djas wergel o pani Jordan, un kol tsele mursha dran Israel djan leha.

2. Samuel 19:32

Un o Barsillai dran Gilead was tele dran o gab Roglim pash o baro rajeste, te djal lo khetne leha ap i wawar rig o panjestar Jordan.

2. Samuel 2:8

O Sauleskro pralstuno lurdo, o Abner, koleskro dad o Ner hi, kowa las o Sauleskro tchawes Ish-Boshet, un anas les an o foro Mahanajim,

1. Rajengro liil 22:3

Un o baro rai pral o them Israel penas ap leskre budepangre: “Djinenn tumer gar, kai o foro Ramot an o them Gilead maro hi? Hoske rikrah men pale, un lah les gar dran o wast o baro rajestar pral Syria?”

1. Rajengro liil 4:13

O Ben-Geber his o pralstuno pral o foro Ramot an o them Gilead, ninna pral kol gaba, kai hi kharedo pal ko mursheste, o Jair, koleskro dad o Manasse hi, ninna pral ko them Argob, hoi hi an Bashan tchiddo. Kote his shob-deesh bare forja, kolen his massurja trul pende un wudja, hoi sasteha pandlo wan.

1. Rajengro liil 4:14

O Ahinadab, koleskro dad o Iddo hi, job his o pralstuno pral o foro Mahanajim.

5. Mose 4:43

An o them Ruben his kowa o foro Bezer an o pralstuno mulo tato them; an o them Gad his kowa o foro Ramot an o pralstuno them Gilead; un an o them Manasse o foro Golan an o them Bashan.

Josua 13:26

Lengro them his ko kotar them, hoi gomme pral atchas ko themestar, pral koleste o Sihon o rai his – kowa kai djiwas an o foro Heshbon. Kau them djas fun o foro Heshbon bis pash i forja Ramat-Mizpe un Betonim, un fun o foro Mahanajim bis pash o them Debir. Koi pashel hi koi tala ap koi rig o panjestar Jordan, kai o kham pre djal, bis pash o pani Kinneret. Kote his kol forja tchiddo: Bet-Haram, un Bet-Nimra, un Sukkot un Zafon.

Josua 13:30

ko tselo them Bashan bis pash o foro Mahanajim; o them Bashan his o them, kai o Og o baro rai his; un i tsele gaba, kai kharenn ‘Jaireskre gaba’, un hi an o them Bashan tchiddo – kolla his 60 (shob-deesh) gaba.

Josua 20:8

Ap i wawar rig o panjestar Jordan pash o foro Jericho rodan le win: o foro Bezer an o mulo them ap ko pralstuno kotar them, kai i menshe dran o kheer Ruben djiwan; o foro Ramot an o them Gilead ap o kotar them, kai i menshe dran o kheer Gad djiwan; un o foro Golan an o them Bashan ap ko kotar them, kai i menshe dran o kheer Manasse djiwan.

Josua 21:37

Kedemot un koi phub trul o foro, kai i vieche nai chan; Mefaat un koi phub trul o foro, kai i vieche nai chan.

Josua 21:39

Heshbon un koi phub trul o foro, kai i vieche nai chan; Jaser un koi phub trul o foro, kai i vieche nai chan.