Josua 18:8 - O Debleskro Drom 2021 (Sinte)

⁸ Un kol wi-rodede mursha kran pen ap o drom. Un har le win djan, penas o Josua ap lende: “Djan an o tselo them trujel, un tchinenn les pre, un palle wenn pale pash mande! Un kate an o foro Shilo witsrau palle i barra glan o baro Debleste tumenge.”

O Debleskro Lab 2024 (Sinte-Manouche)

⁸ Oun kol vi-rodede morsha kran pen ap o drom. Oun har le vin djan, penas o Yosua ap lende: “Djan an o tselo them trouyel, oun činenn les pre, oun palle venn pale pash mande! Oun kate an o foro Shilo vitsrau palle i barra glan o baro Debleste t'menge.”

Josua 18:8 ပူးပေါင်းရင်းမြစ်များ

1. Mose 13:17

Dja trujel an o tselo them! Tut dau ko tselo them.”

Jesaja 34:17

Un job das len ko them, hakenes peskro kotar; un hakenes hi peskri platsa, kai lo khere hi, te djiwenn jon un pengre tchawe an ko them hako tsireske, jaake rah, har sawe lendar koi hi.

Remarja 14:19

Kanna kras lauter, te well kek tchingepen mank mende. Kras kowa, hoi krell men lauter soreles an o patsepen.

Josua 13:7

Kre kowa kanna, te dess kolen dran i enja khera un ko paash kol familjendar dran o kheer Manasse pengro kotar them, hoi lengro well.

Josua 15:1

Un i barra peran o khereske Juda jaake, te lan le ko kotar them, hoi djas bis pash o them Edom, bis an o mulo them Zin, kote kai o kham pralstunes tardo hi.

Josua 18:1

Un i tsele Israelitarja wan khetne an o foro Shilo, un tchiwan kote o Debleskro plachteno kheer pre. Ninna te his o them an lengro wast un jon his rai pral leste,

Josua 18:10

Un o Josua witsras kol barra glan o baro Debleste an o foro Shilo. Un jaake har i barra peran, das o Josua i Israelende dran kol efta khera pengro them, haki bari familjake peskro kotar.

Josua 18:6

Tumer tchinenn an i liil, fun kai bis kai kol efta kotja them djana. Un te kran kowa, palle anenn mange, hoi pre tchinan! Un me witsrau glan maro baro Debleste i barra, hoi sikrenn, koon hoi lella.

Josua 18:9

Jaake djan kol mursha koi, un djan an o tselo them trujel, tchinan i tsele forja an i liil, un kran efta kotja kau themestar. Un palle wan le pale pash o Josua ap koi platsa, kai i Israelitarja his pash o foro Shilo.

1. Samuel 14:41

Un o Saul penas ap o baro Debleste: “Tu Dewel pral o Israel, hoske rakral kau diwes gar mantsa, tiro budepaskreha? Hi i doosh ap mande? Hi li ap miro tchaweste Jonatan? Baro Dewel, tu Dewel pral o Israel, palle sike kowa o barreha, hoi kharell ‘momeli’. Hi i doosh tchiddo ap tire menshende Israel, palle sike kowa o barreha, hoi kharell ‘tchatchepen’!” Koi sikran i barra, kai hi i doosh tchiddo ap o Jonatan un ap o Saul. I menshen Israel his kek doosh.