Josua 18:3 - O Debleskro Drom 2021 (Sinte)

³ Kote penas o Josua ap i Israelitarja: “Har rah kamenn tumer kate beshdo atchenn, un djan gar win, te lenn o them dren, hoi das tumen o baro Dewel, kai o Dewel tumare phurendar hi?

O Debleskro Lab 2024 (Sinte-Manouche)

³ Kote penas o Yosua ap i Israelitarya: “Har rah kamenn t'mer kate beshdo ačenn, oun djan gar vin, te lenn o them dren, hoy das t'men o baro Devel, kay o Devel t'mare phourendar hi?

Josua 18:3 ပူးပေါင်းရင်းမြစ်များ

Gosewe laba 10:4

Koon peskre wasta an i gali tchiddo mukell, kowa well tchorwelo. Koon bud budrell, kowa well brawelo.

Gosewe laba 13:4

Kowa, hoi jek kamell, kai kamell gar te budrell, well les gar. Kolenge, kai bud budrenn, hi doha koi.

Gosewe laba 15:19

O drom kolendar, kai kamenn gar te budrell, hi pherdo subjengre burra. Kolenge, kai o tchatchepen krenn, hi kek barra an o drom tchiddo.

Sikepaskro 9:10

Halauter, hoi tuke glan o wast well, te kress, kowa kre o tselo djijestar! Pash i mulende, kai tu ninna hunte djas, kote well buder tchi kerdo. Un kek krell peske kote i shero, hoi nai krell lo, har nai djinell lo tchomone, un har nai well lo gosewo.

Zefanja 3:16

An ko tsiro well penlo ap i menshende an o foro Jerusalem: Ma trashenn tumen, tumer an Jerusalem! Ma mukenn tumare wasta tele te perell!

Mateo 20:6

Har pantchenge his, djas lo pale an ko foro, dikas pale wawaren koi trujel tardo, un penas ap lende: Hoske han tumer koi tardo, un budrenn gar?

Johanni 6:27

Ma djiwenn o chapaske, hoi paash djala! Djiwenn jaake, te lenn ko djipen, hoi gar pre-herella! O Mensheskro Tchawo kokres nai dell tumen kowa. Jaake sikras o Dewel, kai kowa leskro tchawo hi.”

Josua 1:6

Ab soreles un ma traash! Tu dess kal menshen pengro them, kai me man sowel dom glan lengre phurende, te dap len kowa!

Josua 13:1

Un o Josua was phuro. Les his i lengsto djipen. Kote penas o baro Dewel ap leste. Tu wal phuro, un tut his i lengsto djipen. Un koi hi gomme bud them, hoi gar dren lino hi:

Josua 18:2

his gomme i Israelitarja dran efta khera, kolenge pengro kotar them gomme gar dino was.

Josua 18:4

Rodenn tumenge triin murshen win dran hakeno kol efta kherendar, kai pengro them gomme gar lan! Kolen bitchrau me palle, te dikenn le pen trujel an ko them, hoi tumer gomme gar dren lan, un tchinenn i forja un kotja them an i liil, un wenn palle pash mande pale.

Čačepangre 18:9

Un jon penan: “Awenn! Djas pre te kuras men i menshentsa an Lajish! Mer dikam ko them. Kowa hi i latcho them. Hoske han gomme beshdo kai un krenn tchi? Stenn pre, sik, te djas pre, un las ko them dren!