Josua 18:28 - O Debleskro Drom 2021 (Sinte)

²⁸ Zela, Elef, un ko foro, kai djiwan i Jebusarja, hoi hi kanna Jerusalem, ninna i forja Gibea un Kirjat-Jearim. Kolla hi khetne 14 (deesh-te-star) forja un lengre gaba. Kawa hi o them, hoi lan i familje dran o kheer Benjamin.

O Debleskro Lab 2024 (Sinte-Manouche)

²⁸ Zela, Elef, oun ko foro, kay djivan i Yebousarya, hoy hi kanna Yerusalem, ninna i forya Gibea oun Kiryat-Yearim. Kolla hi khetne 14 (deesh-te-star) forya oun lengre gaba. Kava hi o them, hoy lan i familye dran o kheer Benyamin.

Josua 18:28 ပူးပေါင်းရင်းမြစ်များ

2. Samuel 21:14

Un jon paskran len khetne i kokale o Saulestar un leskro tchawestar Jonatan an ko them Benjamin, an o gab Zela, an o mulengro kheer peskro dadestar Kish. Un jon kran lauter jaake har o baro rai David penas. Pal kowa his o baro Dewel pale kamlo ap ko them.

2. Samuel 23:29

o Heled, koleskro dad o Baana hi, dran Netofa, un o Itai, koleskro dad o Ribai hi, dran Gibea an o them Benjamin,

2. Samuel 5:6

O baro rai djas peskre lurdentsa glan o foro Jerusalem, te kurell lo pes i menshentsa Jebus, kai djiwan an ko them. Kolla penan ap o Davideste: “Tu weh kai gar dren. I korele un i bange rikrenn tut pale.” Jaake kaman jon te penell, kai well o David kai gar dren.

2. Samuel 5:8

Koi penas o David ap ko diwes: “Koon kol Jebusarjen kamell te dell, kowa hunte djal kote pral an o foro, kai o pani an i berga tele nashell. Me nai dikau len gar glan i jaka, kol bangen un korelen!” Doleske well penlo: I korelo un i bango well gar an o kheer dren.

1. Familjakro liil 8:28

Kalla hi pralstune pral pengre familje, kai djiwan an o foro Jerusalem.

Jesaja 10:29

djan dureder mank kol dui berge un wenn an o foro Geba, te atchenn le kote pral i rat. I menshe an o foro Rama trissenn i darjatar. Kolla dran o Sauleskro foro Gibea nashenn penge.

Jeremia 6:1

Tumer menshe dran o kheer Benjamin, nashenn dran Jerusalem! un phurdenn koi phurdepaskri an Tekoa! Krenn i jag ap i berga Bet-Kerem, te well o jagakro ducho i sikepen! Bari bibacht un merepen well kotar, kai norden hi.

Hosea 10:9

O baro Dewel penell ap i Israelitarja: Tumare phure hadan pen pral mande an o foro Gibea. Fun ko tsiro mukan tumer pale te pale miro drom. Doleske well an o foro Gibea o kurepen pral kol tchilatche menshende.

4. Mose 26:38

O kheer Benjamin: Leskre tchawe his o Bela, o Ashbel, o Ahiram, o Shufam, o Hufam. Kolendar wenna kol Belarja, kol Ashbelarja, kol Ahiramarja, kol Shufamarja, kol Hufamarja.

4. Mose 26:54

Kol familjenge, kolen bud menshe hi, hunte dess tu bud them, te well lo lengro. Un kol familjenge, kolen gar bud menshe hi, hunte dess gar jaake bud.

4. Mose 33:54

Un tumer hunte denn hakenes i kotar them. Witsrenn i bachtjakre barra, te hatsenn win, hawe menshe hawo kotar them lenna. Kal familjen, kolen bud menshe hi, hunte denn bud them. Un kol familjen, kolen gar bud menshe hi, hunte denn gar jaake bud.

Josua 15:63

I mursha dran o kheer Juda nai tradan i Jebusarjen gar win dran o foro Jerusalem. Doleske djiwenn jon kote khetne i menshentsa dran o kheer Juda bis ap kau diwes.

Josua 15:8

un fun kotar dureder pre an i tala Ben-Hinnom, hoi ap koi rig koi bergatar tchiddo hi, kai o kham pralstunes tardo hi. Ap koi berga hi ko foro tchiddo, kai i Jebusarja djiwan. Kau foro hi kanna Jerusalem. Un kotar djas o drom dureder bis pral pre ap i berga, hoi hadell pes ap koi rig fun i tala Hinnom, kai o kham tele djal. Kai berga hi tchiddo ap i nordetikri rig ko telstuno themestar, hoi kharell Refajim.

Josua 18:16

Un kotar djas o drom tele glan i berga, hoi hadell pes glan i tala Hinnom. Kai berga hi tchiddo ap i nordetikri rig ko telstuno themestar, hoi kharell Refajim. Palle djas o drom tele an i tala Hinnom un dureder an i tala langs koi berga, kai ko foro tchiddo hi, kai i Jebusarja djiwan, ap koi rig i bergatar, kai o kham pralstunes hi. Fun kotar djal lo tele bis pash o pani En-Rogel,

Josua 18:27

Rekem, Jirpeel, Tarala,

Josua 19:1

Un o duito kopo wan i barra witsedo, kau kopo peran le ap o kheer Simeon un leskre familje. Un lengro kotar them his mashkral dren an o them Juda.

Čačepangre 1:21

An o foro Jerusalem djiwan i Jebusarja. Un i mursha dran o kheer Benjamin tradan len gar win. Jaake atchan i Jebusarja pash i Benjaminarja an o foro Jerusalem, un djiwenn gomme kau diwes koi khetne.

Čačepangre 19:10

Ko mursh kamas gar buder pral i rat te atchell, un hadas pes un djas peske. Un job was bis pash o foro Jebus. Kowa hi Jerusalem. Un les his kol dui esle pash peste, ap kolende lengro koowa his, un peskri djuwel un peskro budepaskro.

1. Samuel 10:26

Un ninna o Saul djas pale an peskro kheer an Gibea. Un khetne leha djan lurde, kolen das o Dewel kowa jaake an o dji.