Josua 18:21 - O Debleskro Drom 2021 (Sinte)

²¹ Un kalla hi i forja, hoi i familje dran o kheer Benjamin lan: Jericho, Bet-Hogla, Emek-Keziz,

O Debleskro Lab 2024 (Sinte-Manouche)

²¹ Oun kalla hi i forya, hoy i familye dran o kheer Benyamin lan: Yericho, Bet-Hogla, Emek-Keziz,

Josua 18:21 ပူးပေါင်းရင်းမြစ်များ

1. Rajengro liil 3:4

I diwes was, kai djas o baro rai Salomo an o foro Gibeon, te marell lo kote viechen o Debleske. Koi platsa his i feteder platsa, kai chatchran le viechen o Debleske. An o tselo tsiro his jaake jek sero viechen, hoi o Salomo kote ap koi chatchepaskri o Debleske chatchras.

Ezekiel 48:23

Palle lenn i wawar bare familje, kai pral atchan, pengro kotar them, hoi djal fun kote, kai o kham pre djal bis kote, kai o kham tele djal. Ap i tchatchi rig ko themestar, hoi o rajeske hi, well ko them, hoi lell o kheer Benjamin. Ap i tchatchi rig ko themestar, hoi o kheer Benjamin lell, well ko them, hoi lell o kheer Simeon. Ap i tchatchi rig ko themestar, hoi o kheer Simeon lell, well ko them, hoi lell o kheer Issachar. Ap i tchatchi rig ko themestar, hoi o kheer Issachar lell, well ko them, hoi lell o kheer Sebulon. Ap i tchatchi rig ko themestar, hoi o kheer Sebulon lell, well ko them, hoi lell o kheer Gad.

Louka 10:30

Un o Jesus penas ap leste: “I mursh was dran o foro Jerusalem, un kamas te djal an o foro Jericho. Un i tchorepangre peran pral leste, un dan les, un lan leske lauter krik, un mukan les paash-mulo tchiddo.

Louka 19:1

Un o Jesus djas an o foro Jericho.

Josua 15:6

dureder bis pash o foro Bet-Hogla, un dureder ap i nordetikri rig o forestar Bet-Araba pral bis pash o bar Bohan, hoi kharedo hi pal o tchaweste o murshestar Ruben,

Josua 18:12

Un i nordetikri rig fun o Benjamineskro them djas fun o pani Jordan dureder pre ap i berge, hoi ap i nordetikri rig o forestar Jericho hi, un dureder pre – kote kai o kham tele djal – an o pralstuno them, jaake dur bis pash o mulo them Bet-Awen.

Josua 18:19

un dureder pash i berga, hoi ap i nordetikri rig o forestar Bet-Hogla tchiddo hi, un palle dureder bis pash o Londo Baro Pani, kote kai o Jordan dren nashell. Jaake dur djas o them kote, kai o kham pralstunes tardo hi.

Josua 18:20

Ap koi rig, kai o kham pre djal, djas o them bis pash o pani Jordan. Un kawa his ko kotar them, hoi lan i familje dran o kheer Benjamin.

Josua 18:22

Bet-Araba, Zemarajim, Betel,

Josua 2:1

Un har jon ap i platsa Shittim his, bitchras o Josua, koleskro dad o Nun hi, tchorchanes dui murshen win un penas ap lende: “Djan un dikenn, har sorelo o them hi, ninna o foro Jericho!” Koi djan le un wan an i kheer, kai i lubni djiwas. Koja kharas Rahab. Un jon djan dren, te atchenn le kote pral i rat.

Josua 6:1

Un o foro Jericho rikras peskre bare wudja pandlo, te nai wenn i Israelitarja gar dren. Kek nai djas win, un kek nai djas dren.

Čačepangre 1:16

Un i Kenarja, – lengro phuro dad his o Moseskri romjakro dad, – kolla djan win dran o palmtikro foro un djan khetne i murshentsa dran o kheer Juda an o mulo tato them, hoi pash o foro Arad tchiddo hi, ap i tchatchi rig. Un jon atchan kote un djiwan mashkral kol menshende.