Josua 15:47 - O Debleskro Drom 2021 (Sinte)

⁴⁷ ninna Ashdod un Gaza un lengre tikneder forja un lengre gaba bis pash o Baro Pani un tele bis pash koi tala, pal kolate o them Egiptia hi.

O Debleskro Lab 2024 (Sinte-Manouche)

⁴⁷ ninna Ashdod oun Gaza oun lengre tikneder forya oun lengre gaba bis pash o Baro Pani oun tele bis pash koy tala, pal kolate o them Egiptia hi.

Josua 15:47 ပူးပေါင်းရင်းမြစ်များ

1. Rajengro liil 5:4

Un les his penepaske pral i tsele themma, kai hi ap koi rig o panjestar Eufrat, kai o kham tele djal, o forestar Tifsach bis pash o foro Gaza. Job his o baro rai pral i tsele raja kal themendar. Un les his kek kurepen kol tsele thementsa, kai trul leste his.

2. Rajengro liil 18:8

O Hiskija kuras pes ninna i menshentsa dran o them Filistia un las len palla bis pash Gaza un ko them trujel. Un las i tikne gaba un i sorele forja dren.

2. Familjakro liil 26:6

Un job djas an o kurepen un kuras pes i Filistarentsa un phagas i massurja tele trul i forja Gat, Jabne un Ashdod. Un mukas sorele barrengre khera te krell an o them trul Ashdod un an o Filistarengro them.

2. Mose 23:31

Un me penau, har bares tiro them wella. Job djal fun ko Baro Lolo Pani bis pash ko baro pani, kai i Filistarja djiwenn, un fun o mulo tato them bis pash o lengsto pani Eufrat. Kolla, hoi kote djiwenna, dau an tiro wast, te tradenn tumer len dran o them win.

Jeremia 47:1

Glan ko tsiro, kai o Farao ko foro Gaza khetne das, rakras o baro Dewel ap peskro rakepaskro, o Jeremia, pral i Filistarende.

Jeremia 47:5

Pral o foro Gaza well o ropen, un o foro Ashkelon well khetne dino. Tumer, kai atchan pral o menshendar Anak, har rah kamenn tumen an o mass te tchinell?

Zefanja 2:4

O foro Gaza well muklo, un o foro Ashkelon well paash dino. I menshe an o foro Ashdod wenn mashkral ap o diwes dran o foro tradedo. Ninna kolla an o foro Ekron wenn dran lengro foro win tradedo.

Bičepangre 8:26

O Debleskro bolepaskro penas ap o Filipo: “Ste pre un dja ap ko drom, kai djal dran Jerusalem tele an ko foro Gaza. Ap ko drom hi gar bud menshe.”

5. Mose 2:23

Un an i gaba pash o Mashkralstuno Baro Pani djiwan menshe, kai his kharedo Awarja. Pral lende wan Filistarja dran Kreta, un dan len mulo, un lan lengro them bis pash o foro Gaza. Un djiwan palle kote.

Josua 11:22

Kek Anakari atchas pral an o tselo them Israel. Kokres an i forja Gaza, Gat un Ashdod atchan lendar djides.

Josua 13:3

un ko them, kai i Kanaanitarja djiwenn, mank o pani Shihor, hoi glan o them Egiptia nashell, un o foro Ekron, kai kote tchiddo hi, kai norden hi; un kol pantch forja, pral kolende pantch Filistarja i raja hi: Gaza, Ashdod, Ashkelon, Gat un Ekron; koi pashel ko them, kote kai o kham pralstunes hi, un kai i Awarja djiwenn;

Josua 15:4

un dureder bis Azmon. Fun Azmon djas ko drom bis an koi tala, pal late o them Egiptia hi, un an i tala dureder bis pash o Mashkralstuno Baro Pani. Jaake dur djas o them ap koi rig, kai o kham pralstunes tardo hi.

Josua 15:46

kol forja mank Ekron un o Baro Pani ap koi rig, kai o foro Ashdod un leskre gaba tchiddo hi;

Josua 15:48

Un an i berge his kol forja: Shamir, Jattir, Socho,