Josua 14:12 - O Debleskro Drom 2021 (Sinte)

¹² Un kanna de man kol berge, kolendar o baro Dewel an ko diwes rakras! Tu shunal an ko diwes, te djiwenn kol Anakarja koi an bare sorele forja. Te hi o baro Dewel mantsa, palle nai tradap len win, har o baro Dewel kowa penas.”

O Debleskro Lab 2024 (Sinte-Manouche)

¹² Oun kanna de man kol berge, kolendar o baro Devel an ko dives rakras! Tou shounal an ko dives, te djivenn kol Anakarya koy an bare zorele forya. Te hi o baro Devel mantsa, palle nay tradap len vin, har o baro Devel kova penas.”

Josua 14:12 ပူးပေါင်းရင်းမြစ်များ

2. Rajengro liil 19:4

O baro rai pral o them Assur bitchras peskro pralstunes, te praassell lo o djido Debles. Har kamoms, te shunell o baro Dewel, tiro Dewel, kol tsele laba, hoi ko mursh penas, un dell les i phagi! Mange o Deblestar kol menshenge, kai pral atchan leskre menshendar, te rikrell lo peskro wast pral lende!’”

2. Familjakro liil 14:11

Un o baro Dewel das i Kusharja glan o Asa un i menshende dran Juda jaake, kai jon nashan penge an i daar.

Debleskri gili 44:3

Tu tradal tiro wasteha i wawar menshen win dran lengro them, un dal ko them mare phurende. Kol wawar menshen dal tu paash, te nai djiwan mare phure an ko them.

Debleskri gili 60:12

Koon nai krell kowa, har tu kokres, maro Dewel? Tu mukal men un djah gar win mare lurdentsa an o kurepen.

4. Mose 13:28

Jek koowa hi gar mishto: Kol menshe, kai djiwenn kote, hi sorelo. Kol forja hi baro un sorelo kerdo. Un mer dikah kote ninna kol menshen, kai wenn pal o Anak.

4. Mose 13:33

Mer dikam kote ninna i Nefilim, kai hi bare menshe. Lengro phuro dad hi o Anak. Mer hams an mare jaka har stepangre, un jaake hams ninna an lengre jaka.”

4. Mose 21:34

Un o baro Dewel penas ap o Moseste: “Ma traash lendar! Me dom les an tire wasta, ninna o them i menshentsa. Un tu kress leha jaake, har kral o baro rajeha pral i Amorarja, o Sihoneha, kai an Heshbon djiwas.”

Remarja 8:31

Hoi te penas mer budeder? O Dewel hi ap mari rig! Koon nai krell menge i tchilatchepen? Kek!

5. Mose 1:28

Kai djas koi? Mare phrala kran mare djia darenes, har penan le ap mende: Kolla menshe hi sorleder un bareder har mer, lengre forja hi baro un lengre massurja djan pre bis pash o bolepen. Un ninna dikam mer o Anakarja kote!’

5. Mose 9:1

Shunenn, tumer menshe Israel! Tumer djan kau diwes pral o pani Jordan, te lenn themma tumenge dren kol menshendar, kai hi bareder un sorleder har tumer. Lengre forja hi bares, un bare massurja djan trul lende pre an o bolepen.

5. Mose 9:3

Doleske djinenn kau diwes, te djal tumaro baro Dewel glan tumende har i jag, hoi halauter pre chatchrell. Job dell len, te hunte nashenn le penge tumendar. Un tumer tradenn len win un denn len sik mulo. Jaake penas o baro Dewel kowa tumenge.

Filiparja 4:13

O Jesus Kristo dell man i soor, te djiwap jaake te jaake.

Hebrearja 11:33

Kol tsele mursha patsan, hoi o Dewel lenge penas. Mashkral lende his ninna kolla, hoi kuran pen kol bare rajentsa un kol rajengre lurdentsa. Un jon his sorleder har kol bare raja un lengre lurde. Wawar kran o tchatchepen un dikan pengre jakentsa, har kowa tchatcho was, hoi o Dewel lenge penas. Wawar wan glan bare un diwje margodje witsedo, un kolla dandran len gar.

Josua 15:14

Kote djiwan kol triin bare familje, kolengre phure dada o Sheshai un o Ahiman un o Talmai his. Kolla wan o murshestar Anak. Un o Kaleb tradas len win dran o foro.

Čačepangre 1:20

Un jon dan o foro Hebron o Kaleb, jaake har o Mose kowa lenge penas. Un job tradas kotar kol triin familjen win, kolengro phuro dad o Anak his.

1. Samuel 14:6

Un o Jonatan penas ap ko terno mursheste, kai leskro kurepaskro koowa hidjrell: “Ab, mer djas pash kol chalende, kai koi wergel jak denn. Nai hi, te well o baro Dewel menge ap i rig. Te krell lo kowa, hi jek, kitse mer ham, bud oder gar bud.”