Josua 13:31 - O Debleskro Drom 2021 (Sinte)

³¹ Un o paash kol familjendar dran o kheer Machir – koleskro dad o Manasse his – kolen das o Mose o paash them Gilead. Kote hi kol forja Astarot un Edrei tchiddo, kai o rai pral Bashan, o Og, djiwas.

O Debleskro Lab 2024 (Sinte-Manouche)

³¹ Oun o paash kol familyendar dran o kheer Makir – koleskro dad o Manasse his – kolen das o Mose o paash them Gilead. Kote hi kol forya Astarot oun Edrei čiddo, kay o ray pral Bashan, o Og, djivas.

Josua 13:31 ပူးပေါင်းရင်းမြစ်များ

Debleskri gili 60:7

Ab ap mari rig tiro sorelo wasteha un le men, tire malen, win! Shun, har dah ap tute gole!

Josua 12:4

Ko wawar baro rai his o Og, ko rai pral o them Bashan. Job djiwas an o foro Astarot un an o foro Edrei, un his jek, kai kol bare menshendar pral atchan, kai wenn ‘riese’ kharedo.

Josua 13:12

Pral kau them his glan kowa o Og dran Bashan o baro rai. Kowa djiwas an kol forja Astarot un Edrei, un his jek kolendar, kai kol bare menshendar pral atchan, kai ‘riese’ kharedo wenna. Pral kolende was o Mose o sorleder an o kurepen un tradas len krik.

Josua 13:32

Un kawa hi kau them, hoi o Mose win das, har his lo an o telstuno them, kai i Moabarja djiwan, ap koi rig o panjestar Jordan, kai o kham pre djal un wergel o foro Jericho.

Josua 17:5

Doleske las o kheer Manasse deesh kotja them, koi pashel ko them Gilead un Bashan, hoi ap i wawar rig o panjestar Jordan hi.

Josua 17:6

I tcha, kai wan lengro phuro dadestar o Manasse, lan i them jaake har i phrala lengro dadestar. O them Gilead was i wawar tchawende o murshestar Manasse dino.

Josua 9:10

un ninna halauter, hoi job kol dui bare rajentsa pral i Amorarja kras, kai ap i wawar rig o panjestar Jordan djiwan, ko rajeha Sihon, ko baro rajeha pral o foro Heshbon, un ko rajeha Og, ko baro rajeha pral o them Bashan, koon an o foro Astarot djiwas.

Čačepangre 10:6

Un i Israelitarja kran pale kowa, hoi tchilatches his glan o baro Debleskre jaka. Un jon mangan i wawar deblen an: ko debles, kai kharell Baal, un i debletsa, kai kharell Astarte, un kol deblen, kai mangenn kol menshe an, kai djiwenn an Syria, an Sidon, an Moab, an Ammon un an Filistia. Un i Israelitarja mukan o baro Debles un mangan les buder gar an.

Čačepangre 5:17

Un i mursha dran o Gilead atchan ap i wawar rig o panjestar Jordan. Un o Dan? Hoi krell job? Pash peskre shiffe atchell job. Pash o baro pani djiwell o Asser. Un kote atchas lo ninna beshdo.

1. Samuel 12:10

Koi dan le gole ap o baro Debleste, te well lo ap lengri rig, un penan: “Mer lam doosh ap mende, te djam krik tutar, baro Deblestar, un mangam kol deblen an, kai kharenna Baal un Astarte. Kanna le men win dran i wasta kolendar, kai men tele rikrenn. Palle wess tu kokres maro Dewel.”

1. Samuel 7:3

Kote penas o Samuel ap lende: “Te kamenn tumer tumaro tselo djijeha pale ap o baro Debleskro drom te djal, palle tchiwenn i chochene deblen tumendar krik, ninna i debletsa Astarte! Patsenn ap o baro Debleste, un mangenn les kokres an un kek wawares! Palle lell job tumen win dran i wasta i Filistarendar.”