Josua 13:14 - O Debleskro Drom 2021 (Sinte)

¹⁴ I menshenge dran o kheer Levi was kek kotar them dino. Jon lenn pengro kotar kol viechendar, hoi i Israelitarja o baro Debleske anenna, kai o Israeleskro Dewel hi. Jaake well kowa, hoi i Levitarjen hunte well djipaske, o baro Deblestar. Jaake penas lo les lenge.

O Debleskro Lab 2024 (Sinte-Manouche)

¹⁴ I menshenge dran o kheer Levi vas kek kotar them dino. Yon lenn pengro kotar kol firhendar, hoy i Israelitarya o baro Debleske anenna, kay o Israeleskro Devel hi. Yaake vell kova, hoy i Levitaryen hounte vell djipaske, o baro Deblestar. Yaake penas lo les lenge.

Josua 13:14 ပူးပေါင်းရင်းမြစ်များ

Ezekiel 44:28

I rashajenge well kek kotar phub, hoi o dadestar ap o tchaweste dureder dino well. Me hom lengro kotar. Len well kek kotar them an o them Israel. Me dau len, hoi len hunte well djipaske.

Ezekiel 44:29

Lengro chapen lenn le kolestar, hoi glan mande anlo well, ko djobestar un kol viechendar, hoi maredo wenn, te well i doosh un o pale-tchiddo koowa krik lino, un kol viechendar, hoi wenn maredo, te well lauter pale mishto. Ninna lenn le halauter, hoi i menshe mange ap i rig tchiwan.

5. Mose 10:9

Doleske well i Levitarjen kek them har lengre phralen. Kowa hoi jon lenna, well dran lengri budi o baro Debleske. Kowa penas lenge tumaro baro Dewel.

5. Mose 12:12

Kote glan tumaro baro Debleste awenn bachteles, tumer un tumare tchawe un tcha un tumare budepangre, mursha un djuwja, ninna i Levitarja, kai djiwenn an tumare forja, kolen kek them mank tumende hi.

5. Mose 12:19

Ma bistrenn i Levitarjen un denn lende, hoi len hunte well, jaake rah har an tumaro them djiwenn.

Josua 13:13

Kol menshen dran Geshur un Maacha tradan i Israelitarja gar krik. Doleske djiwenn jon gomme kau diwes mank i Israelitarjen.

Josua 13:15

Un o Mose das i familjen dran o kheer Ruben lengro kotar them.

Josua 13:33

I menshenge dran o kheer Levi was kek kotar them dino. Kowa, hoi len hunte well djipaske, well lengro baro Deblestar, kai o Israeleskro Dewel hi. Jaake penas lo lenge.

Josua 18:7

I Levitarja lenn kek kotar them mashkral tumende. Lengro kotar hi, te nai wenn le rashaja o baro Debleske. Un i familje Gad un Ruben un i paash familja Manasse lan pengro kotar them ap i wawar rig o panjestar Jordan, ap koi rig, kai o kham pre djala. Kowa das len o Mose, koles o baro Debleskro wast his.”