Josua 11:23 - O Debleskro Drom 2021 (Sinte)

²³ Un jaake har o baro Dewel ap o Mose penas, las o Josua o tselo them dren, un das les i Israelende. Hakeneste kol deesh-te-dui Israeleskre tchawendar das lo peskro kotar them, te wenn le kote khere. Un jon hunte djan buder gar an o kurepen.

O Debleskro Lab 2024 (Sinte-Manouche)

²³ Oun yaake har o baro Devel ap o Mose penas, las o Yosua o tselo them dren, oun das les i Israelende. Hakeneste kol deesh-te-douy Israeleskre čavendar das lo peskro kotar them, te venn le kote khere. Oun yon hounte djan bouder gar an o kourepen.

Josua 11:23 ပူးပေါင်းရင်းမြစ်များ

Nehemia 9:24

Un i tchawe wan an ko them un lan les dren. Un tu kral len sorleder har i Kanaanitarja, kolla, kai an ko them djiwan, un dal lengre bare rajen un ninna i menshen an lengro wast, un jon nai kran lentsa, hoi jon kaman.

Debleskri gili 46:9

Awenn un dikenn ko baro koowa, hoi o baro Dewel kras! Dareno koowa krell lo ap i phub:

2. Mose 34:11

Me tradau kol Amorarja, Kanaanitarja, Hetarja, Perisarja, Hiwarja un Jebusarja dran lengro them un dau les tumende. Rikrenn kal laba, hoi me penau tumenge kau diwes!

Ezekiel 45:8

Kau kotar them well o rajeske. Les well gar budeder them an Israel. Kamau gar, te tchorenn mire raja o them mire menshendar. Na-a, jon hunte mukenn o them i Israelenge jaake har kowa o Jakobeskre tchawenge dino was.

5. Mose 1:38

O Josua, koleskro dad o Nun hi, kowa, kai glan tumende tardo hi, kowa well an ko them. Koles kre soreles! Job anell i Israelenge an kau them, te lenn le les dren.”

5. Mose 25:19

Ap ko tsiro, kai lan tumer ko them dren, hoi tumaro baro Dewel tumen dell, un tumer buder gar an o kurepen han kolentsa, kai trul tumende djiwenn, palle denn kol tsele Amalekarjen mulo, jaake te atchell tchi lendar pral, hoi sikrell, te his i tsiro, kai djiwan le. Un kowa bistrenn gar!

Josua 11:18

O Josua hunte kuras pes kol bare rajentsa i rah tsiro, bis te halauter mulo dino his.

Josua 12:7

Har o Josua o pralstuno pral i Israelitarja his, kuran le pen kol bare rajentsa un lengre lurdentsa an ko them, hoi ap kai rig o panjestar Jordan tchiddo hi, kai o kham tele djal. Un i Israelitarja wan i sorleder, un lan kolengro them dren. Kau them hi tchiddo mank o foro Baal-Gad an i tala Libanon un i berga Halak, hoi pre djal pash i berge Seir. Un kau them, hoi jon dren lan, das o Josua i menshende dran i wawar khera, kai wan o Israeleskre tchawendar, haki familja peskro kotar,

Josua 18:10

Un o Josua witsras kol barra glan o baro Debleste an o foro Shilo. Un jaake har i barra peran, das o Josua i Israelende dran kol efta khera pengro them, haki bari familjake peskro kotar.

Josua 22:4

Kanna kras tumaro baro Dewel, te nai lan tumare phralen lengro them ninna dren, un jon nai djiwenn kote an o latchepen, jaake har lo kowa lenge penas. Doleske rissrenn kanna trujel, un djan pash tumare plachtene khera an ko them, hoi tumenge dino was, te well lo tumenge – ko them, hoi das tumen o Mose, koles o baro Debleskro tchatcho wast his, ap i wawar rig o panjestar Jordan.

Josua 23:1

Bud bersha djan trujel, kai kras o baro Dewel, te nai djiwan i Israelitarja an o latchepen kol thementsa trul lende. Kek kolendar kuras pes lentsa. Un o Josua was phuro. Les his i lengsto djipen.