Josua 11:22 - O Debleskro Drom 2021 (Sinte)

²² Kek Anakari atchas pral an o tselo them Israel. Kokres an i forja Gaza, Gat un Ashdod atchan lendar djides.

O Debleskro Lab 2024 (Sinte-Manouche)

²² Kek Anakari ačas pral an o tselo them Israel. Kokres an i forya Gaza, Gat oun Ashdod ačan lendar djides.

Josua 11:22 ပူးပေါင်းရင်းမြစ်များ

1. Rajengro liil 2:39

Pal triin bersha, nashan leske dui budepangre krik pash o Achish, koleskro dad o Maacha his. O Achish his o rai pral o foro Gat. Un o Shimeske was penlo: “Dik, tire budepangre hi an o foro Gat!”

1. Familjakro liil 18:1

Pal kowa kuras pes o David i Filistarentsa un his sorleder har jon, un las o foro Gat un i gaba trul Gat dran lengro wast.

1. Familjakro liil 8:13

O Berja un o Shema his i pralstune pral pengre familje, kai an o foro Ajalon djiwan. Jon tradan i menshen, kai djiwan an o foro Gat, dran o foro win.

2. Familjakro liil 26:6

Un job djas an o kurepen un kuras pes i Filistarentsa un phagas i massurja tele trul i forja Gat, Jabne un Ashdod. Un mukas sorele barrengre khera te krell an o them trul Ashdod un an o Filistarengro them.

Jesaja 20:1

O baro rai pral o them Assur, o Sargon, bitchras peskro pralstuno lurdes, te kurell lo pes o foreha Ashdod. Un an ko bersh, har job ko foro dren las,

Bičepangre 8:40

O Filipes hatsan le an o foro Ashdod. Un job djas trujel, un penas o latcho lab o Jesusestar an kol tsele forja. Un jaake was lo an o foro Cesarea.

5. Mose 2:23

Un an i gaba pash o Mashkralstuno Baro Pani djiwan menshe, kai his kharedo Awarja. Pral lende wan Filistarja dran Kreta, un dan len mulo, un lan lengro them bis pash o foro Gaza. Un djiwan palle kote.

5. Mose 9:2

I menshe kote hi baro un wenn kharedo ‘riese’. Tumer shunan, har lendar penlo was: Kek nai well sorleder har jon.

Josua 15:14

Kote djiwan kol triin bare familje, kolengre phure dada o Sheshai un o Ahiman un o Talmai his. Kolla wan o murshestar Anak. Un o Kaleb tradas len win dran o foro.

Josua 15:46

kol forja mank Ekron un o Baro Pani ap koi rig, kai o foro Ashdod un leskre gaba tchiddo hi;

Josua 15:47

ninna Ashdod un Gaza un lengre tikneder forja un lengre gaba bis pash o Baro Pani un tele bis pash koi tala, pal kolate o them Egiptia hi.

Čačepangre 1:18

Un o Juda las ninna i forja Gaza, Ashkelon un Ekron dren un o them, hoi koi pashel his.

Čačepangre 3:3

I pantch raja pral i Filistarja, i tsele Kanaanitarja un i Sidonarja un i Hiwarja, kai ap i berge Libanon djiwan mank i berga Baal-Hermon un Lebo-Hamat.

1. Samuel 17:4

Kote was i kurepaskro i Filistarendar glan. Leskro lab his Goliat, dran o foro Gat. Job his jaake triin metarja baro.

1. Samuel 5:1

Un o mochton, kai o Debleskre deesh laba dren hi, his kanna an i wasta kol Filistarendar. Un jon lan les dran Eben-Eser un anan les an o foro Ashdod.