Josua 11:14 - O Debleskro Drom 2021 (Sinte)

¹⁴ Un o kutch koowa, hoi an kol forja his, ninna i tsele vieche tchoran penge i Israelitarja. I tsele menshe dan le o chareha mulo un mukan kekes lendar djido.

O Debleskro Lab 2024 (Sinte-Manouche)

¹⁴ Oun o kouč koova, hoy an kol forya his, ninna i tsele firhe čoran penge i Israelitarya. I tsele menshe dan le o rhareha moulo oun moukan kekes lendar djido.

Josua 11:14 ပူးပေါင်းရင်းမြစ်များ

2. Familjakro liil 20:25

Kote djan o Josafat un leskre lurde, te lenn le kowa, hoi i mule lurden pash pende his, un hatsan bud viechen, brawlepen, ripja un kutch koowa. Jaake bud his, te nai hidjran le les gar halauter. Triin diwessa his le koi, te lenn le o tselo koowa, jaake bud his kowa.

4. Mose 31:9

Un kol Israelitarja pandan kol djuwjen fun kol Midianarja un lengre tchawen. Lengre vieche, un halauter, hoi len hi, tchoran jon.

5. Mose 20:14

I djuwja un i tchawe un i tsele vieche un halauter, hoi tumer dran o foro randan, kowa rikrenn tumenge! Un tumer nai chan ko tselo chapen, hoi his kolen, kai kaman tumen gar. Tumaro baro Dewel das les tumenge.

5. Mose 20:16

An kol forja, hoi hi an ko them, hoi tumaro baro Dewel tumen della, hunte mukenn tumer kekes djido, kek menshes witar kek vieches.

Josua 10:40

Jaake las o Josua o tselo them dren: o pralstuno them, un o them, kai o kham pralstunes hi, ninna o telstuno them un o them ap i berge, – ko tselo them mank Kadesh-Barnea un Gaza, un mank Gosen un Gibeon. O Josua das i tsele bare rajen mulo, ninna lengre tsele menshen. Un job mukas kekes ap o djipen te atchell, jaake har penas leske o baro Dewel, – o Dewel pral o Israel.

Josua 11:11

Un lauteren, kai koi dren his, dan le o chareha mulo, un mukan kekes te djiwell. Un o foro Hazor chatchran le pre.

Josua 11:13

Kal forja his tardo ap tikne berge, un i Israelitarja chatchran len gar pre. O foro Hazor kokres chatchras o Josua pre.

Josua 11:15

Jaake penas o baro Dewel kowa ap o Mose, leskro budepaskro, te krell lo kowa. Un jaake penas o Mose les ap o Josua, te krell lo kowa ninna. Un o Josua rikras pes ap i tsele laba, hoi o baro Dewel o Moseske penas, un kras kowa jaake.

Josua 8:2

Un tu kress ko foreha Ai un leskro baro rajeha jaake har tu kowa o foreha Jericho un leskro baro rajeha kral. Kokres lengro koowa un lengre viechen rikrenn tumenge! Kanna tchiwess murshen khatemen pal o foro, kai lenge palle an o dumo perenn!”

Josua 8:27

Kokres i vieche un wawar kutch koowa, hoi an o foro his, lan i Israelitarja penge. Jaake penas o baro Dewel ap o Josua.