Josua 10:19 - O Debleskro Drom 2021 (Sinte)

¹⁹ Tumer wawar, atchenn gar tardo! Lenn i Amorarjen palla, kai gomme ap o naashepen hi, taprenn len, un mukenn len gar an pengre forja te well! O baro Dewel hi tumaro Dewel un das len an tumaro wast.”

O Debleskro Lab 2024 (Sinte-Manouche)

¹⁹ T'mer vavar, ačenn gar tardo! Lenn i Amoraryen palla, kay gomme ap o naashepen hi, taprenn len, oun moukenn len gar an pengre forya te vell! O baro Devel hi t'maro Devel oun das len an t'maro vast.”

Josua 10:19 ပူးပေါင်းရင်းမြစ်များ

2. Samuel 17:13

Job te tserdell pes an i sorelo foro pale, hunte tchiwenn i tsele Israelitarja shelle trul ko foro, un tserdenn ko foro tele an i tala, te atchell lestar kek bar buder pale.”

2. Samuel 20:6

Koi penas o David ap o Abishai: “Kanna krell o Sheba menge budeder tchilatchepen har o Absalom. Le tu mire lurden un naash leske palla, te lell job gar i sorele forja penge, un khatrell pes kote.”

Jeremia 48:10

Praassedo hi, koon o baro Debleskri budi tchiddo mukell; praassedo hi, kai rikrell leskro charo pale, te marell lo gar!

Jeremia 8:14

Hoske ham mer kai trujel beshdo? [putchenn i menshe dran Juda.] Mer was khetne, te djas mer an kol sorele forja, te was koi maredo! Mer mukam o baro Debles, maro rajes. Doleske kamell lo maro merepen, un dell men sawo pani te pijell, hoi marell men.

Josua 10:18

Koi penas o Josua: “Tchiwenn bare barra glan i grotta, te nai djal kek win. Un tchiwenn murshen glan late tardo, hoi ap late jak denn.

Josua 10:20

Un o Josua peskre murshentsa maran len jaake phares khetne, te atchan lendar buder gar bud. Un kolla, kai nashan nai penge, nashan an kol forja, kai pre-tchidde barra trul lende his.