Jona 4:9 - O Debleskro Drom 2021 (Sinte)

⁹ Un o Dewel penas ap o Jona: “Hawo tchatchepen hi tut, te choiress tut jaake pral ko bur, hoi tele meras?” Un job penas: “Tchatchepah, mange hi jaake tchatcho, te choirap man, te kamau te merell.”

O Debleskro Lab 2024 (Sinte-Manouche)

⁹ Oun o Devel penas ap o Yona: “Havo čačepen hi tout, te rhoyress tout yaake pral ko bour, hoy tele meras?” Oun yob penas: “Čačepah, mange hi yaake čačo, te rhoyrap man, te kamau te merell.”

Jona 4:9 ပူးပေါင်းရင်းမြစ်များ

1. Rajengro liil 21:4

Kote djas o Ahab an peskro kheer, dukedo un chojedo pral ko lab, hoi o Nabot dran Jesreel ap leste rakras, har penas lo: “Me dau tut kowa gar, hoi mire phurendar lom pal lengro merepen.” Un o Ahab tchiwas pes ap peskro tchiben, un tchiwas peskro mui ap i wawar rig, un chas tchi.

Hiob 18:4

An tiri choli dukreh tut kokres! Patseh, i phub hunte well i mulo them, un i bare barra hunte djan jek rigjatar ap i wawar, te well diklo, kai hal tu an o tchatchepen?

Hiob 36:18

De jak, te anell tut tiri choli gar ap i djungelo drom! O Debles nai gineh tu gar, kitse lowe tu ninna deh!

Hiob 5:2

Koon choirell pes pral halauter, hi dinelo. Leskri choli tassrell les. Koon peskri choli gar pale rikrell, hi narwelo. Job merell ap peskri choli.

Jona 4:1

Kowa choiras o Jones un chatchas an leste.

Jona 4:10

Un o baro Dewel penas: “Tut khaitell ko bur, koleske tchi kral, te well lo baro. Leske maral tut gar tele. An jek rat was lo baro un an jek rat meras lo tele!

Jona 4:8

Un har o kham ap o bolepen tardo his, mukas o baro Dewel i tato phurdepen dran o mulo them te well, un o kham das jaake tchurje ap o Joneskro shero, te nashras lo peskri soor. Un job kamas te merell un penas: “Miro merepen hi mange mishto, budeder har te djiwap!”

Mateo 26:38

Koi penas lo ap lende: “Miro dji rowella, un mange hi jaake har te merap. Atchenn kate un sowenn gar dren!”

2. Korintarja 7:10

Te hi jekes ropaske pral peskri doosh, un o Dewel dikell latches ap leste, anell les kowa ap o Debleskro drom, un o Dewel dell les o djipen. Un kowa khaitell kekes. Te hi jekes ropaske pral i phubjakro koowa anell les kowa an o merepen.

Debleskro tsiro 9:6

Un an ko tsiro kamenn i menshe te merell, un nashte merenn gar. Lengro dji nashell pal o merepen, un o merepen nashell lendar.

Čačepangre 16:16

Un har joi gar tele mukas hako diwes ap leste te djal, un les lakre labentsa maras, kote was leskro dji jaake khino, te kamas lo te merell.