Jona 4:6 - O Debleskro Drom 2021 (Sinte)

⁶ Un o baro Dewel, maro rai, mukas i bur bare patjentsa dran i phub bares te well kote, kai o Jona beshdo his, te dell les o kham gar tchurje, un te djal leske feteder. Un o Jona his bud bachtelo pral ko bur.

O Debleskro Lab 2024 (Sinte-Manouche)

⁶ Oun o baro Devel, maro ray, moukas i bour bare patyentsa dran i phoub bares te vell kote, kay o Yona beshdo his, te dell les o kham gar čourye, oun te djal leske feteder. Oun o Yona his boud barhtelo pral ko bour.

Jona 4:6 ပူးပေါင်းရင်းမြစ်များ

Ester 5:9

Har o Haman ko diwes dran o kheer djas, his lo bachtelo un peskro dji sanas. Koi dikas lo o Mordekajes beshdo an o baro wudar glan o baro rajeskro kheer. Un kowa stas gar pre, un witsras pes gar glan leste tele. Koi tapras o Hamanes i bari choli pral o Mordekai.

Hiob 7:2

Jaake har i budepaskro, kai kamell, te well rati, kai well lo dran o kham, un kai well lo plaissedo,

Gosewe laba 23:5

Te dikeh tire jakentsa pre, hi o brawlepen gar buder koi, jaake sik hi lo krik har i tchirklo, hoi hadell peskre mussja un hadell pes an o bolepen.

Jesaja 39:2

Un o Hiskija his bachtelo pral i bitchepangre, un sikras lende peskro tselo brawlepen, rup, sonakai, sungepaskro koowa, latcho djet, un ko kheer, kai kol tsele kurepaskre koola dren hi, un leskro tselo kutch koowa. Tchi his an leskro kheer un an leskro them, hoi lo lenge gar sikras.

Amos 6:13

Tumer phurdenn tumen pre pral o foro Lo-Dabar, un penenn: Mari sorjah lam o foro Karnajim dren.

Jona 4:5

Un o Jona djas win dran o foro ap koi rig, kai o kham pre djala, un kras peske i dacha dran patria, un beshas pes koi tel, te dell les o kham gar tchurje. Kote atchas lo, te dikell lo, hoi o foreha wella.

Jona 4:7

O wawar diwes, har o kham pre djal, mukas o Dewel i kirmo te well. Kowa das ko bur tchurje, kai meras lo tele.

Louka 10:20

Awenn gar bachtelo, te shunenn i benga ap tumende! Awenn bachtelo, kai tumaro lab an o bolepen dren tchinlo hi!”

1. Korintarja 7:30

Un kolla, kai lenge ropaske hi, djiwenn jaake, har te wans lenge gar ropaske. Un kolla, kai bachtelo hi, djiwenn jaake, har te wans jon gar bachtelo. Un kolla, kai tchomone o djipaske dren ginenna, krenn kowa jaake, har te nai rikrans jon kowa gar.